سێشه‌مبى وه‌زیرا ده‌رڤه‌ یا ئه‌لمانیا دێ سه‌ره‌دانا به‌غدا كه‌ت

سوبه‌هى رۆژا سێشه‌مبى وه‌زیرا ده‌رڤه‌ یا ئه‌لمانیا دێ ب سه‌ره‌دانه‌كا فه‌رمى گه‌هیته‌ به‌غدا.

ئه‌حمه‌د سه‌حاف په‌یڤدارێ وه‌زاره‌تا ده‌رڤه‌ یا عیراقێ دیاركر، سوبه‌هى رۆژا سێشه‌مبى حه‌فتى ئادارا 2023ێ ئه‌نالینا بێربۆك وه‌زیرا ده‌رڤه‌ یا ئه‌لمانیا دێ ب سه‌ره‌دانه‌كا فه‌رمى گه‌هیته‌ به‌غدا و دگه‌ل محه‌مه‌د شیاع سوودانى سه‌رۆكێ وه‌زیران و فوئاد حسێن وه‌زیرێ ده‌رڤه‌ و ژماره‌كا دى یا به‌رپرسێن عیراقێ كۆمبیت.

ئاماژه‌ ب هندێ ژى دا، د دیدار و كۆمبووناندا دێ دانوستاندنێن به‌رفره‌هـ ژ چارچووڤێ ب هێزكرنا په‌یوه‌ندییێن دوو قۆلى یێن دناڤبه‌را عیراق و ئه‌لمانیادا هێنه‌كر، و ده‌رفه‌تا هه‌ڤپشك دبیاڤێن جوودا دا ژ وان وزه‌ و وه‌به‌رهێنان دێ هێته‌ گوتوبێژكرن.