<h2><span style="font-size: 18pt;">د رۆژەکا وەکی ئەڤرۆ دا ل 16 ئادارا سالا 1988، د بەردەوامیا شەڕێ دناڤبەرا ھەردو وەلاتێن عیراق و ئیرانێ دا ، پشتی کو ئیرانێ ھێزێن خۆ ژ باژێرێ ھەلەبجە ڤەکێشاین و بەری ھاتنا رژێما بەعسا ژناڤچووی یا عیراقێ بۆ ناڤا باژێری ، ژ لایێ فروکەیێن عیراقێ ڤە، ھەلبجە ھاتە کیمیا باران کرن، دوێ کیمیا بارانا کۆمکوژی دا 5 ھزار کەس شەھیدبوون و 7 تا 10 ھزار کەسان ژی برینداربوون، ھەروەسا زێدەتری 1000 کەسان ژی تا نوکە ساخلەمییا وان نە یا جێگیرە و د برینێن خۆ دا ئازارێن ژیانێ د کێشن، ھەر ژ دەمێ کیمیا بارانێ و تا نوکە 75 زارۆکێن وی دەمی د بەرزەنە و نە ھاتینە دیتن.</span></h2> <h2><span style="font-size: 18pt;">پشتی کۆمکوژیێ ، ئێکسەر ھەردوو وەلاتان ب سوچا کۆمکوژیا کیمیا بارانا باژێرێ ھەلەبجە ھەڤدوو تۆمەتبار کرن، لێ ل گۆرەی وان وێنە و ڤیدیۆیێن ب کامیرا وێنەگرێ ئیرانی (جولستان کاوە) ھاتینە تۆمارکرن، زێدەباری چەندین بەلگەیێن دی یێن سەلمێنەر دیاربوویە کو کۆمکوژییا باژێرێ ھەلبجە ژ لایێ رژێما بەعسا ژ ناڤچووی یا عیراقێ ڤە ھاتبوو ئەنجامدان.</span></h2>
