بێوار عەبدالعەزیز، بەرپرسێ ڕاگەهاندنا بەرەڤانییا باژێری دهۆكێ بۆ ئاژانسا خانی ڕاگەهاند، د رێورەسمێن هەلكرنا ئاگری دا دێ دوو ترۆمبێلێن مە دگەل كوردووسا بن هەتا دچنە پاركا نەورۆز و پاش دێ ترۆمبێلەكا دی دگەل چیتە كێلیا فرعین، هەروەسا ل رۆژا هەلكرنا ئاگری دا دێ ترۆمبێلەكا ئاگرڤەمراندنێ ل چیایێ زاوا ژی هێتە دانان.
بەرپرسێ ڕاگەهاندنا بەرەڤانییا باژێری دیاركر، هەروەسا تیمێن مە دێ ب هەلیكۆپتەرێ دناڤ سەنتەرێ باژێری گەڕن و ئەو جهێن تایرە دهێنە سوتن دێ ژ لایێ تیمێن مەڤە رێگری لێ هێتەگرتن.
بێوار عەبدالعەزیز زێدەتر گۆت، هەروەسا بۆ رۆژێن نەورۆزێ دێ چار تیم هێنەدانان بۆ خزمەتكرنا وەلاتییان، كو تیمەك ژ وان دێ ل قارقاراڤا بیت و تیمەك دێ ل چیایێ زاوا بیت و تیمەك ل زالگەها ئێتیتێ و تیمەك ژی دێ ل گەلی كورتكێ هێتە دانان.
