حەمزە رەزیكی، بەرپرسێ ڕاگەهاندنا ڕێڤەبەرییا گشتییا ساخلەمییا پارێزگەها دهۆكێ بۆ ئاژانسا خانی ڕاگەهاند، ل ڕۆژانێن جەژنا نەورۆزێ هەمی پشکێن تەنگاڤییان، سوتن، ئافرەت و زارۆکبوون، زارۆکان، پشکێن چاڤدێریا چڕ ل هەمی نەخۆشخانان 24 دەمژمێران دێ پێشوازییێ ل نەخۆشان کەن، هەروەسا 30 تیمێن ڤێراگەهشتنێن دەستپێکی هاتینە پێکئینان و رۆژانە دێ ل جهێن کۆمڤەبوونا سەیرانیان دابن و ل دەمێ پەیدابووانا هەر روودانەکێ یان هەبوونا نەخۆشەکی دێ دخزمەتا وەلاتییان دابن.
حەمزە رەزیكی گۆت، بنگەهێن نۆبەدار( خەبات، مالتا) رۆژانە ژ دەمژمێر 8 سپێدێ هەتا 12ێ شەڤێ دێ د خزمەتا نەخۆشان دابن، هەروەسا پشکێن تەنگاڤییان ل نەخۆشخانێن قەزایێن ئامێدی، شێخان، بەردەڕەش. سێمێل و ئاکرێ بۆ دەمێ 24 دەمژمێران دێ د خزمەتا وەلاتییان دابن.
