<h2><span style="font-size: 18pt;">نامهیهك ژ لایێ لۆيد ئۆستن، وهزیرێ بهرهڤانییا ئەمریكا گەهشتە نێچیرڤان بارزانی، سهرۆكێ ههرێما كوردستانێ كو تێدا سوپاسییا سەرۆكێ هەرێمێ كر ژ بۆ وێ پێشوازییا گهرم یا 7ێ ئەڤێ هەیڤێ ل هەولێرێ لێ كری.</span></h2> <h2><span style="font-size: 18pt;">وهزیرێ بهرهڤانییا ئەمریكا د نامهیا خۆ دا ل سهر سهرەدانا خۆ بۆ هەولێرێ گۆت، ئەز كەیفخۆش بووم كو جارەكا دی مە دووپات ل هێز و گرنگییا ههڤبهشا د ناڤبهرا ئەمریكا و ههرێما كوردستانێ ل عیراقێ بكەین.</span></h2> <h2><span style="font-size: 18pt;">د نامهیا لۆيد ئۆستن بۆ نێچیرڤان بارزانی، ئاماژەدا ب دانوستاندنێن لدۆر پێكگرییا ههڤبهش یا هەردوو ئالیان بۆ ب ئێكجاری تێكشكاندنا داعشێ، هەروەسا دووپات ل هندێ كریه كو هاریكارییا بهردهوام یا ئەمریكا و ههرێما كوردستانێ ب هەماهەنگییا دگەل بهغدا ژ بۆ عیراقهكا ئارام و سهقامگیری و خودان سهروهرییا پێدڤییه.</span></h2> <h2><span style="font-size: 18pt;">ههروهسا سوپاسگوزاريیا خۆ دیاركر ژ بۆ رۆلێ سهرۆك نێچیرڤان بارزانی د ب رێڤهبرنا پرۆسا رێكخستن و چاكسازییێن وهزارهتا پێشمهرگه ل سهر بنەمایێ پهیمانا لێكتێگەهشتنا ههڤبهش یا پهنتاگۆنێ دگهل وهزارهتا پێشمهرگه یا حكومهتا ههرێما كوردستانێ بلند نرخاند، خواستا وهلاتێ خۆ ژی یا ژ بۆ بهردهوامیا كارێ ههڤبهش دگهل ههرێما كوردستانێ نیشاندا.</span></h2>
