<h3 style="text-align: justify;"><span style="font-size: 18pt;">رێكخراوا مافێن مرۆڤى ل دۆر كۆمه‌لكۆژییا جندرێسێ داخوازه‌ك ئاراسته‌یى ئه‌نقه‌ره كر و گوت : پێدڤیه لێكۆلینه‌كا شه‌فاف و سه‌ربه‌خۆ ده‌ستپێبكه‌ن.</span></h3> <h3 style="text-align: justify;"><span style="font-size: 18pt;">ل ئێڤارییا جه‌ژنا نه‌وروزێ ل 20ى ئادارا 2023ێ ل جندرێسا رۆژئاڤایێ كوردستانێ، چار وه‌لاتییێن كورد ژبه‌ر هه‌لكرنا ئاگرێ نه‌وروزێ ژلایێ گرۆپێ ( ئه‌حرار شه‌رقییه )ڤه هاتنه كوشتن و چه‌ند كه‌سێن دى ژى برینداربوون.</span></h3> <h3 style="text-align: justify;"><span style="font-size: 18pt;">ئاده‌م كۆگل جێگرێ رێڤه‌به‌رێ رۆژهه‌لاتا ناڤین ل رێكخراوا مافێن مرۆڤى ل دۆر ڤێ روودانێ راگه‌هاند، توركیا رێك ب وان چه‌كداران دابوو كو توندوتیژییێ به‌رامبه‌ر ئاكنجییێن جندرێسێ بكاربینن، ئه‌ڤه‌ژى توركیا دكه‌ته هه‌ڤپشكێ وێ پێشلكارییێ.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، توركیا و له‌شكه‌رێ نیشتیمانییێ سووریا ل عه‌فرینێ كو ژلایێ توركیاڤه پشته‌ڤانى لێ دهێته‌كرن، به‌رده‌وام شكه‌ستن د پاراستنا وه‌لاتییێن مه‌ده‌نییێن وێ ده‌ڤه‌رێدا ئینایه و گوت ژى: ئه‌و د پشتراستن لێكۆلینه‌كا دادپه‌روه‌رانه و شه‌فاف دگه‌ل وان بكۆژان، دێ پێنگاڤه‌كا باش بیت د ئاراسته‌یه‌كێ درووستدا.</span></h3> <h3 style="text-align: justify;"><span style="font-size: 18pt;">رێكخراوا مافێن مرۆڤى راگه‌هاند ژى، پێدڤییه توركیا هه‌موو هاریكارییان بۆ وان هێزان رابگریت یێن پێشلكارییا مافێن مرۆڤى دكه‌ن.</span></h3> <h3 style="text-align: justify;"><span style="font-size: 18pt;">ژلایێ خۆڤه رێكخستنا عه‌فرینێ بۆ مافێن مرۆڤى ئاشكراكر، ئه‌وێن هاتینه كوشتن هه‌موو ئه‌ندامێن ئێك خێزان بوون و ئێك ژ وان برینداران خۆدان پێدڤییێن تایبه‌ته.</span></h3>
