رێباز حه‌ملان : په‌ترۆلا كوردستانێ ب چ شێوه‌یان ناهێته‌ راگرتن

هاریكارێ سه‌رۆكوه‌زیرێن هه‌رێما كوردستانێ دبێژیت: راگرتنا په‌ترۆلا هه‌رێما كوردستانێ ب رێكا بۆرییان بۆ به‌نده‌رێ جیهان یا ده‌مكییه‌، په‌ترۆلا كوردستانێ ب چ شێوه‌یان ناهێته‌ راگرتن، ژبه‌ركو ئه‌ڤه‌ پرۆسه‌یه‌كا قانوونییه‌ و دێ ده‌ستپێكه‌ته‌ ڤه‌.

رێباز حه‌ملان هاریكارێ سه‌رۆكوه‌زیرێن هه‌رێما كوردستانێ راگه‌هاند، دگه‌ل حكومه‌تا عیراقێ ل سه‌ر بابه‌تێ بودجه‌ى رێككه‌ڤتینه‌، و ل سه‌ر بابه‌تێ ده‌ركه‌ڤتنا قانوونا په‌ترۆلێ ژى دنێزیكن بگه‌هنه‌ رێككه‌ڤتنێ و پێنگاڤێن باش هاتینه‌ هاڤێتن.

هاریكارێ سه‌رۆكوه‌زیرێن هه‌رێما كوردستانێ ل دۆر راگرتنا هنارده‌كرنا په‌ترۆلا هه‌رێما كوردستانێ راگه‌هاند، ئه‌و راگرتنه‌ یا ده‌مكییه‌ و ل ڤان نێزیكان دێ ده‌ستپێكه‌ت، ئه‌ڤرۆژى شانده‌كێ هه‌رێما كوردستانێ دێ چیته‌ به‌غدا و ل سه‌ر میكانیزمه‌كێ بۆ چه‌وانییا هنارده‌كرنا په‌ترۆلا هه‌رێما كوردستانێ ب رێكا بۆرییان رێككه‌ڤن.