ئهڤرۆ پهرلهمانێ بریتانیا لدور پرسا كۆچبهران دێ كۆمبیت، ژبۆ هندێ رێكارێن توندتر بهرامبهر كۆچا نهیاسایى بگرنهبهر. و نهتهوێن ئێكگرتى پێنگاڤێن بریانیا دژى كۆچبهران ب بنپێكرنا یاسایا ناڤدهولهتى ناڤدكهت.
ل دووڤ یاسایا نوى:
– ههركهسێ جارهكێ ب نهیاسایى چوبیته وى وهلاتى رێك پێ ناهێته دان جارا دووێ بچیته وى وهلاتى و مافێ پهنابهریێ نادهنێ، ههر كۆچبهرهكێ بهێته دهستهسهركرن، لایهنێ كێم 28 رۆژان دێ هێته زیندانكرن بهرى بهێته دیپۆرتكرن.
– ههر كۆچبهرهكێ ب نهیاسایى بچیته بریتانیا، دێ رهوانهى وهلاتێ سیێ هێتهكرن، كو بریتانیا رێكهفتنهك لدور ڤى بوارى دگهل وان ههیه، وهك رواندا. یان دێ رهوانهى وهلاتێ وى هێتهكرن.
– سالانه پهرلهمان ئاستهكێ بهرچاڤ ژبۆ وهرگرتنا پهنابهران دیار دكهت. حكومهت ژى چهندین رێكارێن نوى و ب سلامهت بۆ وان دێ دیاركهت یێن دڤێت ل بریتانیا بژین.
– پرۆژه یاسایا نوى دێ رێكێ ب وهزارهتا نافخۆ دهت ههر كهسێ ب نهیاسایى بچیته بریتانیا و بهێته دهستهسهركرن ژ وهرگرتنا مافێ پهنابهریێ بهێته بێبههركرن.
