د.شاخەوان عەبدوللا، جێگرێ دووێ یێ سەرۆكێ جڤاتا نوونەرێن عیراقێ ئەڤرۆ ڕاگەهاند، دەنگدان ل سەر یاسایا هەلبژارتنێن نوونەران و جڤاتا پاریزگەهان ب دووماهیك هات ب نەهێلانا ئەو ئاستەنگێن ل بەردەم هەلبژارتنێن جڤاتا پارێزگەها كەركووكێ.
د.شاخەوان عەبدوللا گۆت، بۆ ئێكەم جارە پشتی سالا 2003ێ پێداچوون بۆ تۆمارا دەنگدەران ب پشتگرێدان ب ئامارا سالا 1957 بهێتە كرن و هەروەسا دەڤەرا سەرگەران کو پشتی سالا 1957ێ دێ ڤەگەریتە سەر كەركووكێ و دیسان دێ بیتە پشكەك ژ كەركووكێ و وەلاتییێن وێ مافێ دەنگدانێ دێ هەبیت.
جێگرێ دووێ یێ سەرۆكێ جڤاتا نوونەرێن عیراقێ دیاركر، ئەو هەمی وەلاتییێن ئیناینە كەركووكێ و ب ئارمانجا سیاسەتا تەعریب ناڤێن وان ژێبرین مافێ دەنگدانێ نینە.
