جێگرێ سه‌رۆكا په‌رله‌مانێ كوردستانێ راگه‌هاند، پێدڤیه د ئه‌ڤساله‌دا هه‌لبژارتن بهێنه‌كرن، چونكى ئه‌ڤه پێدڤیه‌كا ژیانى و سیاسى و یاساییه.
هێمن هه‌ورامى جێگرێ سه‌رۆكا په‌رله‌مانێ كوردستانێ د كۆنفرانسه‌كێدا راگه‌هاند: دیاركرنا رۆژا هه‌لبژارتنان ژلایێ سه‌رۆكێ هه‌رێما كوردستانێ ڤه پێگیربوونه ب یاسایێ و پێنگاڤه‌كا زۆرا گرنگه، به‌لێ ئه‌ڤه نیڤا رێكێ یه و نیڤا دى ل گۆره‌پانا په‌رله‌مانێ كوردستانێ و لایه‌نێن سیاسیدایه.
هه‌ورامى دیار ژى كر، وه‌كو دیار هه‌لبژارتن بابه‌ته‌كێ هه‌ستیارێ سیاسیه بۆ هه‌مى خه‌لكێ كوردستانێ، و پێگیربوونه ب یاسایێ، ژبه‌ر هندێ تنێ فراكسیۆن ل په‌رله‌مانێ كوردستانێ نه‌شێن ڤى كارى بكه‌ن، به‌لكو پێدڤیه لایه‌نێن سیاسى پشته‌ڤانی فراكسیۆنان بن ل په‌رله‌مانى، ژبۆ هندێ لێكنزیكبوونه‌كا زێده‌تر هه‌بیت.
جێگرێ سه‌رۆكا په‌رله‌مانێ كوردستانێ لدور ئه‌نجامدانا هه‌لبژارتنان ل وى ده‌مێ دیاركرى دبێژیت: پێدڤیه هه‌لبژارتن د ئه‌ڤساله‌دا بهێنه‌كرن، ژبه‌ركو ئه‌ڤه داخازیا هه‌مى خه‌لكێ كوردستانێ یه.
