ب هه‌لكه‌فتا سال رۆژا كۆچا ملیۆنی یا وەلاتییێن كوردستانێ لقێ ئێك به‌یاننامه‌ك به‌لاڤكر ئەڤەژی دەقێ وی یە:
کۆچا ملیۆنی یا 28ێ ئادارا سالا 1991ێ، به‌رده‌وامییا پێداگرتنا وەلاتییێن كوردستانێ بوویه ل بڕیارا ره‌تكرنا سته‌م و زورداریێ یا ل سه‌رهلدانا سالا 1991ێ دوپاتكری، كو ب چ ره‌نگه‌كی وەلاتییێن كوردستانێ ئاماده نابن دكتاتۆریه‌ت و بنده‌ستیێ قه‌بویل بكه‌ن، ب هه‌مان روحیه‌ت و ئێكرێزییا سه‌رهلدانێ به‌رده‌وامیێ پێ بده‌ن و فشاره‌كا مه‌زن ل سه‌ر جڤاكێ ناڤده‌وله‌تی دروست بكه‌ن و هشیار بكه‌ن ل سه‌ر ره‌وش و چاره‌نڤێسێ وەلاتییێن كوردستانێ، ئه‌و بوو بڕیارا 688 یا نه‌ته‌وێن ئێكگرتی ده‌رچوو، بۆ دروستكرنا ده‌ڤه‌را ئارام یا هه‌رێما كوردستانێ ل سه‌ر هێلا 36.
كۆچا ملیۆنی بێی جوداهییا ره‌گه‌زی و ئۆلی و نه‌ته‌وه‌یی یا هه‌می چین و ته‌خێن وەلاتییێن كوردستانێ بوو، له‌وما بۆ بناغه‌كێ ب هێز و موكوم و ده‌ستكه‌فتێن سه‌رهلدانا 1991ێ ل سه‌ر هاتنه ئاڤاكرن و گه‌لێ مه بوونه خودان حكومه‌ت و په‌رله‌مان، ئه‌ڤه‌ژی بنه‌مایه‌كێ ب هێزه بۆ ئاینده‌كێ گه‌شتر.
د سالڤەگەرا بیرئینانا كۆچا ملیۆنی سلاڤ ل گیانێ ته‌ڤایا شه‌هیدێن رێیا بزاڤا ئازادی خوازا كوردستانێ و شه‌هید و قوربانییێن كۆچا ملیۆنی و سه‌ركێشێ شەھیدان بارزانیێ نه‌مر و ئدریسێ هه‌رده‌م ساخ.
لقێ ئێك
پارتی دیموکراتی کوردستان
