بهرپرسهكێ حكومهتا ههرێما كوردستانێ راگههاند، دهرچوویێن ئێكێ یێن زانكۆ پهیمانگههێن ههرێما كوردستانێ ، كو ئاكنجیێن كهركوك و دهڤهرێن كوردستانێنه، لسهر میلاكێ حكومهتا فیدرال دێ هێنه دامهزراندن.
فارس عیسا سهرۆكێ نونهراتیا حكومهتا ههرێما كوردستانێ ل بهغدا راگههاند، ناڤێ ههمى ئێكهمێن زانكۆیان كو خهلكێ دهڤهرێن كوردستانى یێن دهرڤهیى ههرێما كوردستانێنه، داینه وهزارهتا خۆاندنا بلند یا عیراقێ و وانژى داینه جڤاتا گشتى یا راژه، ب مهرهما دامهزراندن لسهر میلاكێ حكومهتا فیدرال.
ناڤبرى دیار ژى كر، وان كهسان ڤهدگریت یێن ل زانكۆ پهیمانگههێن ههرێما كوردستانێ خواندى بهلێ ئاكنجیێن كهركووك و دهڤهرێن كوردستانینه.
فارس عیسا ئاشكراكر، هژمارا وان كهسان سێ هزار و 132 كهسن و ژلایێ حكومهتا ههرێما كوردستانێ ههمى هویركاتى داینه حكومهتا عیراقا فیدرال.
