په‌یڤدارێ وه‌زاره‌تا ئه‌وقان و كاروبارێن ئایینى یا هه‌رێما كوردستانێ دبێژیت: ب تنێ دماوێ ئێك سالدا وه‌زاره‌تا ئه‌وقافێ 129 مزگه‌ڤت ل هه‌رێما كوردستانێ درووستكرینه كو به‌هرا پتر یا وان دكه‌ڤنه پارێزگه‌ها هه‌ولێرێ.
نه‌به‌ز ئیسماعیل په‌یڤدارێ وه‌زاره‌تا ئه‌وقاف و كاروبارێن ئاییى دیاركر، ب تنێ د ئێك سالدا ئانكو ژ ره‌مه‌زانا پار سال بۆ ئه‌ڤساله 129 مزگه‌ڤت ل هه‌رێما كوردستاتێ هاتینه درووستكرن، ژ وێ ژمارێ 59 مزگه‌ڤت ل پارێزگه‌ها دهۆكێ، شه‌ش ل هه‌له‌بجه، سێ ل ئیداره‌یا سه‌ربه‌خۆ یا گه‌رمیان، هه‌شت ل سۆران و چار ل زاخۆ بوون.
ب گشتى كابینه‌یا نه‌هێ یا حكومه‌تا هه‌رێما كوردستانێ 400 مزگه‌ڤت ل هه‌رێما كوردستانێ زه‌ڤى بۆ دابینكرییه و درووستكرینه، كو پشكه‌ك ژ وان هێشتا ل ژێر درووستكرنێ نه، نه‌به‌ز ئیسماعیلى گوت: ئه‌ركێ وه‌زاره‌تا ئه‌وقافێ دابینكرنا زه‌ڤییانه، مزگه‌ڤت دی بیته هه‌یكه‌ل و تمامكرنا وی دێ ژلایێ خێرخوازه‌كیڤه بیت، و پاشان وه‌زاره‌تا ئه‌وقافێ دێ هه‌موو خزمه‌تگوزارییان بۆ دابین كه‌ت.
