فه‌رمانده‌یێ نوو یێ هێزێن ئه‌لمانیا ل هه‌رێما كوردستانێ ده‌ستبكاربوو

فه‌رمانده‌یێ هێزێن ئه‌لمانیا كۆلۆنێل مارك دیمیشێل ب هه‌لكه‌ڤتا بدووماهى هاتنا ئه‌ركێن خوه‌ ل هه‌رێما كوردستانێ و وه‌زاره‌تا پێشمه‌رگه‌ى، سه‌ره‌دانا وه‌زاره‌تا پێشمه‌رگه‌ى كر و ژلایێ فه‌ریق روكن عیسا عوزێر سه‌رۆكێ ئه‌ركانێن وه‌زاره‌تا پێشمه‌رگه‌یڤه‌ پێشوازى لێ هاته‌ كرن

د دیداره‌كێدا كو عه‌مید روكن محه‌مه‌د سه‌عید رێڤه‌به‌رێ هه‌ماهه‌نگى و په‌یوه‌ندییان  و شیره‌تكارێ سه‌ربازییێ له‌شكه‌رێ ئه‌لمانیا ل هه‌رێما كوردستانێ تێدا د پشكداربوون، كۆلۆنێل ماركى بدووماهى ئینانا ئه‌ركێ خوه‌ ب سه‌رۆكێ ئه‌ركانان راگه‌هاند، و كۆلۆنێل تۆماس نیكۆلاى وه‌كو فه‌رمانده‌یێ نوو یێ هێزێن ئه‌لمانیا ناساند.

ژلایێ خۆڤه‌ سه‌رۆكێ ئه‌ركانان سوپاسى و پێزانینێن وه‌زاره‌تا پێشمه‌رگه‌یى ب كۆلۆنێل ماركى گه‌هاندن و ب خێرهاتنا كۆلۆنێل تۆماس نیكۆلاى كر، ئاماده‌ییا وه‌زاره‌تا پێشمه‌رگه‌ى بۆ هه‌ر هاریكارى و كاره‌كێ هه‌ڤپشك نیشاندا، هه‌ڤده‌م بزاڤ و پێنگاڤێن ده‌مێ بوورى یێن كۆلۆنێل ماركى بلند نرخاندن، كو بزاڤێن رژد دگه‌ل وه‌زاره‌تا پێشمه‌رگه‌ى بۆ پێشختن و سه‌ركه‌ڤتنا پرۆسه‌یا ریفۆرمێ ل وه‌زاره‌تا پێشمه‌رگه‌ى دكرن.