مەسرور بارزانی: رێککەفتنا مه‌ ل گەل بەغدا دێ بیتە بنەمایەک بۆ قانوونا نەفت و غازێ

مەسرور بارزانی، سەرۆکوەزیرێن هەرێما کوردستانێ د کۆنگرەكێ رۆژنامەڤانیدا ل بەغدا پشتی ئیمزاکردنا رێککەفتنا هنارتنا نه‌فتا هەرێما کوردستانێ گۆت: “ئەڤ رێککەفتنە یا ده‌مكییه و بنەمایێن وێ دێ د بودجە و قانوونا نەفت و غازێ دا رەنگ ڤه‌دەن”.

ناڤهاتی گۆت ژی: دێ مفایی ژ ڤێ رێککەفتنێ وەرگرین بۆ قانوونا نەفت و گازێ و بنه‌مایێن وێ دێ د بودجە و قانوونا نەفت و غازێ دا رەنگ ڤه‌دەن.

سەرۆکێ حکومەتا هه‌رێمێ ئەڤڕۆ (سێشەمبی، 4-4-2023) ب سەرۆکاتییا شانده‌كێ چوویە بەغدا ب مه‌ره‌ما ئیمزاكرنا وێ رێککەفتنێ، د وی کۆنگرێ رۆژنامەڤانی یێ هه‌ڤپشك دا ل گەل محەمەد شیاع سوودانی، سەرۆکوەزیرێن عێراقێ، راگەهاند “نییەتا مە رێککەفتن بوویە و ب بزاڤێن سوودانی ئەڤ رێککەفتنە وەک خۆ دێ هێته‌ بجهئینان و دێ بیتە دەستپێکا هه‌ماهەنگییا پتر دناڤبه‌را هه‌ردو ئالییان دا.