وه‌زاره‌تا چاندنێ یا عیراقێ راگه‌هاند، چه‌ند حاله‌تێن گیان ژده‌ستدان و توشبوونێن نوو ب تایا خوینبه‌ربوونێ ل ئه‌ڤساله هاتنه تۆماركرن و مه‌ترسییا به‌لاڤبوونا ڤێ نه‌خۆشییێ ل پارێزگه‌هێن دى هه‌یه.
سامر حه‌بیب خه‌فاجى رێڤه‌به‌رێ فیتێرنه‌رى ل وه‌زاره‌تا چاندنا عیراقێ راگه‌هاند، بۆ رێگریكرنێ ل نه‌خۆشییا تایا خوینبه‌ربوونێ، وان ده‌ست ب هه‌وه‌كا به‌رفره‌هـ یا ره‌شاندنا ده‌ڤه‌رێن په‌له‌وه‌ران كرییه.
خه‌فاجى ئاماژه ب هندێ كر، ئه‌ڤساله شه‌ش توشبوو كو چار ژ وان ل ناسرییێ نه و دوو ل پارێزگه‌هێن دى بوو، هاتینه تۆماركرن و دوو كه‌سان ژى گیانێ خوه ژ ده‌ستدا.
