باره‌گایێ بارزانى به‌هینامه‌یه‌ك بۆ وه‌غه‌ركرنا مامۆستا مه‌لا ته‌یب به‌حركه‌یى ئاراسته‌كر

باره‌گایێ بارزانى بۆ وه‌غه‌ركرنا مامۆستا مه‌لا ته‌یب عه‌بدولا به‌حركه‌یى، په‌یامه‌كا سه‌ره‌خۆشییێ ئاراسته‌یى خێزانا مامۆستا مه‌لا ته‌یب به‌حركه‌یى كر.

د به‌هینامه‌یێدا هاتییه‌، ب مخابنییه‌كا مه‌زنڤه‌ نووچه‌یێ وه‌غه‌ركرنا زانا و كه‌سایه‌تییێ ئایینى یێ دیار و خۆدان پێگه‌هـ و مامۆستایێ ژێهاتى و كوردپه‌روه‌ر مامۆستا مه‌لا ( ته‌یب عه‌بدولا به‌حركه‌یى ) ئه‌ندامێ جڤاتا بلندا فه‌توایا كوردستانێ گه‌هشته‌ وان.

هه‌روه‌سا باره‌گایێ بارزانى سه‌ره‌خۆشى ئاراسته‌یى خێزان و كه‌سوكارێن مامۆستا ته‌یب مه‌لا عه‌بدولا به‌حركه‌یى و هه‌موو مامۆستا و زانایێن ئایینێ ئیسلامێ كر.

ده‌قێ به‌هینامه‌یا باره‌گایێ بارزانى

ب ناڤێ خۆدایێ مه‌زن و دلۆڤان

به‌رێزان خێزان و كه‌سوكارێن مامۆستا ته‌یب عه‌بدولا به‌حركى ب خه‌م و كوڤانه‌كا مه‌زنڤه‌ نووچه‌یێ‌ وه‌غه‌ركرنا زانا و كه‌سایه‌تییێ ئایینى یێ دیار و خودان پێگه‌هـ و مامۆستایێ كوردپه‌روه‌ر مامۆستا مه‌لا ته‌یب عه‌بدولا به‌حركى ئه‌ندامێ جڤاتا بلندا فه‌توایا كوردستانێ گه‌هشته‌ مه.‌

سه‌ره‌خوشییێ پێشكێشى خێزان و هه‌موو مامۆستا و زانایێن ئایینى و هه‌ڤال و دوست و كه‌سێن خودێ ژێ رازى  دكه‌یه‌ن، و خوه‌ ب هه‌ڤپشكێ خه‌ما وه‌ دزانین.

ژ خودایێ مه‌زن دخوازین روحا مامۆستا مه‌لا ته‌یب عه‌بدولاى ب به‌هشتا خوه‌ یا به‌رین شاد بكه‌ت و سه‌بر و هه‌دارێ ب هه‌موویان بده‌ت.

إنا لله وإنا اليه راجعون

باره‌گایێ بارزانى

شه‌شى نیسانا 2023ێ