پشتى نقومبوونا دوو به‌له‌ما ل كه‌نارێن تونس، 27 كۆچبه‌رێن ئه‌فریقى بوونه قوربانى، سه‌رۆكوه‌زیرێن ئیتالیا دبێژیت، ئه‌گه‌ر ئارامیا درایى ل تونس نه‌هێته گه‌رنتین كرن، دێ به‌رهنگارى پێله‌كا زور یا كۆچبه‌ران بن.
فه‌وزى مه‌سمودى، په‌یڤدارێ دادگه‌ها سفاقس ل تونس راگه‌هاند، پشتى نقومبوونا هه‌ردوو به‌له‌مان ل كه‌نارێن تونس، كو ڤیا بچه ئیتالیا، لایه‌نێ كێم 23 كۆچبه‌رێن ئه‌فریقى بێسه‌روشینن و چار كۆچبه‌رێن دى گیانێ خۆ ژده‌ستدایه.
ژئالیێ خۆڤه نه‌بیل عه‌مار وه‌زیرێ ده‌رڤه یێ تونس دا دیاركرن، ئه‌و پێدڤى ب پاره و كه‌ره‌ستانه ژبۆ هندێ زێده‌تر سنووران بپارێزن، هه‌ر‌چه‌نده تونس ل سالێن بوورى كه‌ره‌سته ژ ئیتالیا وه‌رگرتینه، به‌لێ دبێژیت: ئه‌و ئامیره دكه‌ڤنن و باش نینن.
