<h3 style="text-align: justify;"><span style="font-size: 18pt;">رۆژا 21ى نیسانا 2023ێ دووماهى ژڤانێ تۆماركرنا چه‌كێ بی مۆله‌ته و ل دووڤ راگه‌هاندنا وه‌زاره‌تا ناڤخۆ، پشتى ئه‌وێ رێككه‌ڤتێ هه‌ر چه‌كه‌كێ نه‌تۆماركرى ژ خه‌لكى بهێته وه‌رگرتن، دێ ب قاچاخ هێته‌هژمارتن، رێڤه‌به‌رییا گشتییا دیوانا وه‌زاره‌تا ناڤخۆ یا هه‌رێما كوردستانێ ژى دبێژیت: ئه‌و ژڤانه ناهێته درێژكرن و ژ 22ى نیسانێ هه‌ر وه‌لاتییه‌ك ب چه‌كێ نه‌تۆماركریڤه بهێته گرتن، دێ راده‌ستى دادگه‌هێ هێته‌كرن.</span></h3> <h3 style="text-align: justify;"><span style="font-size: 18pt;">ل دووڤ رێڤه‌به‌رییا گشتییا دیوانا وه‌زاره‌تا ناڤخۆ، هه‌تا نوكه خه‌لكى ئه‌و پێشوازییا پێدڤى ل تۆماركرنا چه‌كى نه‌كرییه، ژبه‌ر هندێ جۆره‌كێ نه‌تێگه‌هشتنا ل پرۆسه‌یێ ل ده‌ڤ خه‌لكى په‌یدابوویه، د قووناغا ناڤ تۆماركرنێدا ده‌ست ب سه‌ر چه‌كێ كه‌سێ ناهێته گرتن، و خه‌لك وه‌سا تێگه‌هشتییه كو ل ده‌مێ تۆماركرنێ، چه‌كێ وان دێ ژێ هێته وه‌رگرتن.</span></h3> <h3 style="text-align: justify;"><span style="font-size: 18pt;">هه‌روه‌سا رێڤه‌به‌رییا گشتییا دیوانا وه‌زاره‌تا ناڤخۆ دیاركر، ئه‌گه‌ر كه‌سه‌ك چه‌كێ گران راده‌ست بكه‌ت، فۆرمه‌ك دێ پێ هێته‌دان و ئه‌و چه‌كه دێ راده‌ستى وه‌زاره‌تا پێشمه‌رگه‌ى هێته‌كرن، دووڤدا جڤاتا وه‌زیران دێ خه‌ملاندنه‌كێ بۆ كه‌ت و ئه‌و كه‌سێن چه‌ك راده‌ست كرى دێ هێنه قه‌ره‌بووكرن.</span></h3> <h3 style="text-align: justify;"><span style="font-size: 18pt;">زێده‌تر ئاشكراكر، چه‌ند رۆژه ب فه‌رمانا سه‌رۆكوه‌زیرێن هه‌رێما كوردستانێ و ب سه‌رپه‌رشتییا وه‌زیرێ ناڤخۆ ده‌ست ب پرۆسه‌یا لێگه‌ریان و ده‌ست بسه‌رداگرتنا چه‌كێ بێ مۆله‌ت دا ل قه‌زایا خه‌بات هاتییه كرن، و هژماره‌كا چه‌كى هاتییه ده‌سته‌سه‌ركرن و هه‌ر كه‌سه‌كێ ته‌قه كربیت یان ژلایێ قانوونێڤه هاتبیته داخوازكرن یێ هاتییه گرتن.</span></h3>
