وەزارەتا کارەبا حكوومهتا ههرێما كوردستانێ ڕاگههاند، د بزاڤێن بەردەوامدانە بۆ باشترکرنا رەوشا کارەبێ و گەهاندنا دەمێن بۆ 24 دەمژمێران، مزگینی ژی دا بۆ هاڤینا بهێت ئاریشا كێمبوونا كارهبێ دروست نابیت.
وهزارهتا كارهبێ ڕاگههاند ژی “ژبۆ خزمەتکرنا زێدەتر یا هاوڵاتییان ب گشتی ب تایبەت د هەیڤا رەمەزانا پیرۆزدا، وەزارەتا مە بریار دا نزیکی 20 دەمژمێرێن ڕۆژانە کارەبێ بدەتە هاوڵاتییان”.
ل دۆر ڤێ یەکێ ڕێڤەبەرێ کۆنترۆلا کارەبا هەرێمێ راگەهاند ” د هەیڤا رەمەزانێدا ڕۆژانە 19:35 دەمژمێرێن کارەبێ هەبوویە، بەری هەیڤا رەمەزانێ ژی ب هەمان ئاستێ بەرهەمهێنانێ 18:00 دەمژمێرێن کارەبا هەبوویە”.
ئاماژهکر ژی “د هەیڤا رەمەزانێدا ب بەراورد ل گەڵ هەیڤا پێشتر سەرەرای هاتنا پێلا سەرما و با و بارانێ، 1:35 دەمژمێر زێدەتر بوویە.”
گۆت ژی ”وەزارەتا کارەبا پلان دانایە بۆ وەرزێ هاڤینێ ل گەل سیانەکرنا بەشەک ژ وێستگەهان و تەمامبوونا پڕۆژەیان، ئاستێ بەرهەمهێنانا کارەبێ زێدە ببیت و ئاریشا کێمبوونا کارەبێ د وەرزێ هاڤینێدا دروست نابیت.
