سوودانی: ئه‌م پابەندین ب دابینکرنا مووچەیێ فه‌رمانبه‌رێن هەرێما کوردستانێ

سەرۆکوەزیرێن عێراقێ گۆت، ب تنێ بابەتێ تەکنیکی بۆ هنارتنا نەفتا هەرێما کوردستانێ مایە و ل ڤێ حه‌فتییێ دێ دەستپێكه‌ت؛ گۆت ژی: “دابینکرنا مووچەیێ فه‌رمانبه‌رێن هەرێما کوردستانێ ئەرکێ سەرەکی یێ حکومەتا عێراقێیە و ئه‌م د پابەندین”.

 ئه‌ڤرۆ دوشەمبی 17 ی نیسانا 2023 ێ، محەمەد شیاع سوودانی، سەرۆکوەزیرێن عێراقێ گۆت: “ئەڤرۆ کۆمپانیا سۆمۆ ل گەل بكرێن نەفتێ هه‌ڤبه‌سته‌ك ئیمزا كریییه‌ و ل ڤێ حه‌فتییێ هنارتنا نه‌فتا هەرێما کوردستانێ دێ دەستپێكه‌ت”.

سەرۆکوەزیرێن عێراقێ گۆت ژی “دابینکرنا مووچەیێ فه‌رمانبه‌رێن هەرێما کوردستانێ ئەرکێ سەرەکی یێ حکومەتا عێراقێیە” ئه‌م پابەندین ب دابینکرن و پێدانا مووچەیێ فه‌رمانبه‌رێن هەرێما کوردستانێ”.

ناڤهاتی گۆت ژی: د ماوێ چەند حه‌فتی یێن بوری دا بهایێ دیناری دێ پتر ل بەرامبەری دۆلاری بلند بیت.