<h3 style="text-align: justify;"><span style="font-size: 18pt;">دادگه‌هه‌كا عیراقێ سزایێ سێداره‌دانێ بۆ هه‌شت چه‌كدارێن داعش یێن زیندانكرى ده‌رخست، كو وان چه‌كداران بزاڤ دكر د سێ زیندانانڤه رێكخراوا خوه چالاك بكه‌ن و پلان بۆ ره‌ڤینێ دانابوون.</span></h3> <h3 style="text-align: justify;"><span style="font-size: 18pt;">جڤاتا بلند یا دادوه‌رییا عیراقێ دراگه‌هاندنه‌كێدا ئاشكراكر، دادگه‌ها كه‌ڤتنێ یا ره‌سافه سزایێ سێداره‌دانێ بۆ هه‌شت تومه‌تباران ده‌ركر كو ل زیندانێن تاجى، كه‌فل و كه‌رخ یا به‌غدا بوون.</span></h3> <h3 style="text-align: justify;"><span style="font-size: 18pt;">ل دووڤ راگه‌هاندنێ، ئه‌و هه‌شت چه‌كدارێن هاتینه سزادان ل سه‌ر هندێ رێككه‌ڤتبوون كو په‌یوه‌ندییێ ب هه‌موو زیندانییێن رێكخراوێ بكه‌ن، و پلان بۆ ره‌ڤینێ ژ زیندانان ب مه‌ره‌ما كرنا كریارێن تیرۆستى دانابوون.</span></h3> <h3 style="text-align: justify;"><span style="font-size: 18pt;">جڤاتا بلندا دادوه‌رى ئاشكراكر، تومه‌تباران دانپێدان كر كو وان فه‌رمانا رێكخستنا رێكخراوا داعش دناڤ زینداناندا ده‌ركربوو و ئه‌میر و به‌رپرس ژى دیاركربوو.</span></h3> <h3 style="text-align: justify;"><span style="font-size: 18pt;">بریارا دادگه‌هێ ل دووڤ هه‌ردوو مادده‌یێن چار و دوو یین قانوونا بنبركرنا تیرۆرێ كو تایبه‌ته ب پلانگیرییێ بۆ كارێن تیرۆرستى یه، و سزایێن وان دناڤبه‌را زیندانكرن بۆ هه‌تاهه‌تایێ و سیێداره‌دانێ دانه.</span></h3> <h3 style="text-align: justify;"><span style="font-size: 18pt;">ژلایه‌كێ دیڤه شانه‌یا ئه‌منى یا عیراقێ راگه‌هاند، چه‌كداره‌كێ داعشێ ل سلێمانییێ هاته ده‌سته‌سه‌ركرن، كو وى چه‌كدارى ل چه‌ند باژێرێن عیراقێ هێرشى هێزێن ئه‌منى كربوو، و بۆ ده‌مێ 10 هه‌یڤان بوو چاڤدێرییا وى دهاته‌كرن.</span></h3>
