ب بریارا سەرۆکێ حکومەتێ تووشبوویێن تالاسیمیایێ بێ بەرامبەر دێ هێنه‌ چارەسەر کرن

ل سەر راسپاردا مەسرور بارزانی سەرۆکێ حکومەتا ھەرێما کوردستانێ، پشکنین و وەرگرتنا چارەسەرییێ بۆ تووشبوویێن تالاسیمیایێ، دێ بێ بەرامبەر بن.

فەرمانگەها میدیا و زانیاری به‌لاڤكر” ژ ئه‌گه‌رێ بەرپرسیاره‌تییا حکومەتا ھەرێما کوردستانێ بەرامبەر ره‌وشا ساخله‌مییا تووشبوویێن تالاسیمیایێ و لبه‌ر چاڤگرتنا ره‌وشا دارایی یا خێزانێن وان، ل سەر راسپاردا مەسرور بارزانی، سەرۆکێ حکومەتا ھەرێما کوردستانێ، ئەنجامدانا هه‌موو پشکنین و وەرگرتنا چارەسەری یێن نۆشداری یێن تووشبوویێن تالاسیمیایێ ل هه‌موو نەخۆشخانێن حکومی، سەنتەرێن دلی و تیشکێ ل هەرێما کوردستانێ، بێ بەرامبەر دێ هێنه‌ ئەنجامدان.

ئەڤه‌ ژ پێخه‌مه‌تی هندێیه‌، کو هه‌موو تووشبوویێن تالاسیمیایێ ب باشترین شێوە و ب هه‌روه‌ ژ خزمەتگوزاری یێن ساخله‌مییێ یێن حکومەتێ، مفادار ببن.