بانده‌كێ تیرۆرستى ل كه‌ركووكێ هاته‌ ده‌سته‌سه‌ركرن

فه‌رمانده‌یا پۆلیسێن كه‌ركووكێ دراگه‌هاندنه‌كێدا دیاركر، بانده‌كێ تیرۆرستى ل ناڤا پارێزگه‌ها كه‌ركووكێ هاته‌ ده‌سته‌سه‌ركرن و سه‌ر ب رێكخراوا تیرۆرستییا داعشێیه‌.

دراگه‌هاندنێدا هاتییه‌، ئێك ژ ئه‌ندامێن باندى سه‌ركرده‌یه‌كێ بلندێ داعشێ بوو ل كه‌ركووكێ، ئه‌ڤ بانده‌ هاته‌ ده‌سته‌سه‌ركرن پشتى ل شه‌ڤا بوورى دوو كه‌س ل سه‌ر ماتۆرسكله‌كى ل بازارێ په‌نجا عه‌لى ته‌قه‌ ل مه‌فره‌زه‌یه‌كا پۆلیسان كرى، كارمه‌نده‌كێ پۆلیسان ب سه‌ختى بریندارببوو و ره‌وشا ساخله‌مییا وى یا جهگیر نینه‌.

ل دووڤ راگه‌هاندنێ، پشتى روودانا شه‌ڤا بوورى هێزێن ئاسایشا نیشتیمانى و ده‌زگه‌هێ هه‌والگێری و فه‌رمانده‌یا پۆلیسێن كه‌ركووكێ ئه‌ڤرۆ ئوپه‌راسیۆنه‌ك ل باژێرى ده‌ستپێكر، چه‌ند چه‌كدار ل ناڤا باژێرێ كه‌ركووكێ ده‌سته‌سه‌ركرن، كو ئه‌گه‌رێن سه‌ره‌كى یێن روودانا شه‌ڤا بوورى و چه‌ند كریارێن دى یێن كه‌ركووكێ بوون.