نێچیرڤان بارزانی، سەرۆکێ هەرێما کوردستانێ ب هەلكەفتا سالڤەگەڕا ڕۆژا ڕۆژنامەڤانییا كوردی و 25 سالییا دامەزراندنا سەندیكا رۆژنامەڤانێن كوردستانێ پەیامەكا پیرۆزباهییێ بەلاڤكر.
ئەڤە دەقێ وێ یە؛
سالڤەگەڕا 125 سالییا ڕۆژنامەڤانییا كوردی و 25 سالییا دامەزراندنا سەندیكا ڕۆژنامەڤانێن كوردستانێ ل هەمی ڕۆژنامەڤانێن كوردستانێ پیرۆزدكەم و هیڤییا سەركەفتنێ بۆ دخوازم. سلاڤ ل گیانێ پاكێ میقداد ميدحهت بهدرخان بن كو ئێكەم ڕۆژناما كوردستان چاپ و بەلاڤكری.
د ئەڤێ هەلكەفتێدا هەمی پشتەڤانییێ بۆ ڕۆژنامەنڤیس و ئازادییا ڕۆژنامەڤانی و دەربڕینا هزرێ و ئازادییا پێنووس و نڤیسنێ دووپات دكەین. ئازادییا ڕۆژنامەڤانی، بنەماییەكێ سەرەكییێ هەمی جڤاكەكێ زیندی و پێشكەفتییە، پێدڤییە ل پێشییا پێشڤەبرن ب دیموكراسی و ئازادی و پاراستنا مافێن مرۆڤی بیت، دڤێت بهێتە پاراستن.
پەیڤ بهرپرسيارەتييه، ژبەر ئەڤێ چەندێ داخواز ژ ڕۆژنامەڤانێن كوردستانێ دكەم ب ئهمانهت و بهرپرسياريهتی مامەلێ دگەل پەیڤێ بكەن و ب ئازادی و ڕاستگۆيانه دەنگوباس و ڕوودانان ب ڤەگوهێزن. كار و ئهركێ خۆ ب ڕێكوپێك و د چارچوڤێ ئێتیكێن ڕۆژنامەڤانی بجهبینن داكو بشێن رۆلەكێ دروست یێ خۆ د دەستنیشانكرنا خەلەتی كێموكاسی راستڤەكرنا وان دا بگێرین.
سلاڤ بۆ ههمی ئهو ڕۆژنامەڤانێن ل سەردەمێ خهبات و ئازاديێدا گيانێن خۆ كرینە قوربان.
نێچیرڤان بارزانی
سەرۆکێ هەرێما کوردستانێ
