<h3 style="text-align: justify;"><span style="font-size: 18pt;">رێڤه‌به‌را گشتییا پلاندانانێ ل وه‌زاره‌تا چاندنێ و ژێده‌رێن ئاڤێ ل حكومه‌تا هه‌رێما كوردستانێ ئاشكراكر، ژبه‌ر بارانێن ئه‌ڤساله به‌رهه‌مێ گه‌نمى دێ زێده‌بیت و پێشبینى دهێته‌كرن زێده‌تر ژ 500 هزار ته‌نێن گه‌نمى راده‌ستى سایلۆیان بهێنه‌كرن و رێژه‌یه‌كا مه‌زن ژى نه‌هێته راده‌ستكرن.</span></h3> <h3 style="text-align: justify;"><span style="font-size: 18pt;">د. زێدا محه‌مه‌د رێڤه‌به‌را گشتییا پلاندانانێ ل وه‌زاره‌تا چاندنێ راگه‌هاند، ل سالا بوورى ژبه‌ر هشكه‌سالییێ ل هنده‌ك ده‌ڤه‌رێن هه‌رێما كوردستانێ 60%ێ یا به‌رهه‌مێ گه‌نمى ژ ناڤچووبوو، لێ ل ئه‌ڤساله ژبه‌ر بارانێن زێده به‌رهه‌م به‌ره‌ڤ هلكێشانێ یه و دێ گه‌له‌ك ژ سالا بوورى زێده‌تر بیت، عیراق ژى پێشبینى دكه‌ت به‌رهه‌مێ ئه‌ڤساله بگه‌هیته سێ ملیۆن و 500 هزار ته‌نێن گه‌نمى.</span></h3> <h3 style="text-align: justify;"><span style="font-size: 18pt;">دبێژیت ژى ئه‌و پێشبینى دكه‌ن دگه‌ل ڤه‌كرنا ده‌رگه‌هێن سایلۆیان بۆ وه‌رگرتنا گه‌نمى، زێده‌تر ژ 500هزار ته‌نێن گه‌نمى ژلایێ جووتیارێن هه‌رێما كوردستانێڤه راده‌ستى سایلۆیان بهێنه‌كرن.</span></h3> <h3 style="text-align: justify;"><span style="font-size: 18pt;">د. زێدا محه‌مه‌د ئاماژه ب هندێ ژى دا، ئه‌ڤساله پرۆسه‌یا وه‌رگرتنا گه‌نمى دێ ژ سالێن بوورى باشتر بیت، ژبه‌ركو بهایێ وه‌رگرتنا گه‌نمى ژلایێ حكومه‌تێڤه یێ باشه و گه‌نم هه‌موو ژى دێ ب پله‌یا ئێك هێته وه‌رگرتن، لێ پێشبینى دكه‌ن رێژه‌یه‌كا مه‌زن یا گه‌نمى راده‌ستى سایلۆیان نه‌هێته‌كرن، و ب گشتى ره‌وشا به‌رهه‌مێ ئه‌ڤساله یێ گه‌نمى گه‌له‌ك ژ یێ سالا بوورى باشتره.</span></h3>
