گۆڤاره‌كا ئه‌مریكی: د دۆسییه‌یا ئاڤێ دا عیراق یا خه‌مساره‌

     

گۆڤارا نیولاینز، د راپۆرته‌كا رۆژنامه‌ڤانی دا ئاماژه‌ ب هشكه‌ سالییێ‌ ل عێراقێ دكه‌ت و ته‌كه‌ز كرییه‌ كو حكومه‌تا عێراقێ یا بێ خه‌مه‌ و دبێژیت، ڤی بابه‌تی‌ راسته‌وخۆ په‌یوه‌ندی ب ئاسایشا خوارنێ ڤه‌‌ هه‌یه‌.

جه‌ستن سالحانی د‌ گۆڤارا نیولاینز دا راپۆرته‌ك نڤیسایه‌ و دبێژیت‌: پشتی سعوودیه‌، عێراق دویه‌م به‌رهه‌مهێنه‌را نه‌فتێ یه‌ ل ‌سه‌ر ئاستێ ڤێ ده‌ڤه‌رێ، رۆژانه‌ 4.5 ملیۆن به‌رمیلێن نه‌فتێ دهنێریته‌ ژ ده‌رڤه.

هه‌روه‌سا گۆتییه‌” ل سالا 2022 ێ، داهاتێ نه‌فتا عێراق گه‌هشته‌ 115 ملیار دۆلاران، ئه‌و پاره‌‌ هاریكاره‌ بۆ پێدانا مووچه‌یێ فه‌رمانبه‌ران و پشته‌ڤانییا ئاسایشا خوارنێ.

دبێژیت ژی: ئاریشه‌ ئه‌وه‌ عێراق ب تنێ پشت به‌ستنێ ل سه‌ر داهاتێ نه‌فتێ دكه‌ت و نوكه‌‌ وه‌لاتێ پێنجێ یه‌ ل ‌سه‌ر ئاستێ جیهانێ ژ ئه‌گه‌رێ هشكه‌ سالییێ‌ مه‌ترسی ل ‌سه‌ره‌.

هێشتا دبێژیت:  نه‌فت 99% ێ داهاتێ گشتی عێراق و 885% ێ  بودجه‌یێ گشتی یێ وی وه‌لاتی  پێك دئینیت و حكومه‌تا عێراقێ ئاگه‌ھ ژ چاندنێ و دۆسییه‌یا ئاڤێ نینه‌.