قەیس وەیس، بەرپرسێ ڕاگەهاندنا ڕێڤەبەرییا ڕێكخستنا پلێتێن ئاھێن خوارنێ بۆ ئاژانسا خانی ڕاگەهاند، ئهوان ئەڤرۆ پلێتێن ئاهێن خوارنێ یێن ئەلكترۆنی ب سەر بریكارێن بەلاڤكرنا ئاهێن خوارنێدا دابهشكرینه و وەلاتی دشێن سەرەدانا بریكارێن خۆ بكەن بۆ وەرگرتنا كارتا خۆ یا ئەلكترۆنی.
قەیس گۆت، پشتی وەلاتی كارتا خۆ وەردگریت دڤێت ل 10-05-2023 سەرەدانا رێڤەبەرییێ یان ئەوان بنگەهان بكەن كو دێ ل چەندین قوتابخانەیان هێنە دانان، بۆ ئەنجامدانا كاراكرنا كارتێن وەلاتییان یێن ئەلكترۆنی و هەردەمێ ئەو كارت نەهاتە كاراكرن دێ ئەرزاقێ وەلاتی هێتە ڕاوەستاندن.
بەرپرسێ ڕاگەهاندنا ڕێڤەبەرییا ڕێكخستنا پلێتێن ئاھێن خوارنێ دیاركر ژی، بۆ كاراكرنا كارتا ئەلكترۆنی پێدڤییە بتنێ سەرۆك خێزان سەرەدانا بنگەهی بكەت و ناسنامهیێن خێزانا خۆ دگهل خۆ ببهت و زێدهباری ئەو كارتا ئەلكترۆنی ئهوا ژ دهڤ بیركارێ خۆ وەرگرتی. هەروەسا دیاركر كۆ ئهڤ پرۆسه پێدڤی ب چ مەزاختی و پارهیهكی نینه.
