<h3 style="text-align: justify;"><span style="font-size: 18pt;">جڤاتا وهزیرێن ههرێما كوردستانێ ل دۆر ئهنجامێن چوونا شاندێ حكومهتێ بۆ دهڤ جێگرێ سهرۆكوهزیرێن ههرێما كوردستانێ كۆمبوو و راگههاند، جارهكا دى دخوازن تیما ئێكهتییێ ڤهگهریت و ئهركێن خوه یێن قانوونى و كارگێرى بۆ خزمهتكرنا وهلاتییان بجهبینن.</span></h3> <h3 style="text-align: justify;"><span style="font-size: 18pt;">جڤاتا وهزیران ئهڤرۆ 26ى نیسانا 2023ێ ب سهرپهرشتییا مهسرور بارزانى سهرۆكێ جڤاتێ كۆمبوو و د كۆمبوونێدا گوتوبێژا دوو بابهتان هاتهكرن كو ئهوژى چوونا شاندێ حكومهتێ بۆ دهڤ قوباد تالهبانى جێگرێ سهرۆكوهزیران و پرۆسهیا وهرگرتنا گهنمێ ئهڤساله یێ جووتیاران ژلایێ كۆمپانییا گشتییا دهخلودانێ عیراقێڤه.</span></h3> <h3 style="text-align: justify;"><span style="font-size: 18pt;">دراگههاندنا كۆمبوونێدا هاتییه، ئهو دووپات دكهن كو چهندین جاران داخواز ژ جێگرێ سهرۆكوهزیران و تیما ئێكهتییا نیشتیمانى كوردستانێ كرییه ڤهگهرنه كۆمبوونێن جڤاتا وهزیران، نوكهژى جارهكا دى داخواز دكهن ڤهگهرن و ئهركێن خوه یێن قانوونى و كارگێرى بۆ خزمهتكرنا وهلاتییان بجهبینن.</span></h3> <h3 style="text-align: justify;"><span style="font-size: 18pt;">ههر ئاریشهیهكا ههبیت كو ئارمانج ژێ بهرژهوهندییا گشتى بیت، پێدڤییه د كۆمبوونێن جڤاتا وهزیراندا دانوستاندن ل سهر بهێنهكرن.</span></h3> <h3 style="text-align: justify;"><span style="font-size: 18pt;">جڤاتا وهزیران د پشكهكا دییا راگههاندنێدا دووپاتكر، ئهو دخوازن تیما ئێكهتییێ ڤهگهریت و هیڤیدارن ل ئاستێ بهرپرسیارییێ بن و ئهركێن خوه بجهبینن، و ئێدى نهبنه ئهگهرێ هندێ كو وهلاتى باجا دهوام نهكرنا وان بدهن.</span></h3> <h3 style="text-align: justify;"><span style="font-size: 18pt;">دپشكهكا دییا كۆمبوونێدا بهحسا پرۆسهیا وهرگرتنا گهنمێ ئهڤساله یێ جووتیاران ژلایێ كۆمپانییا گشتییا دهخلۆدانێ عیراقێڤه هاتهكرن.</span></h3> <h3 style="text-align: justify;"><span style="font-size: 18pt;">سهرۆكوهزیران وهزارهتێن پهیوهندیدار راسپاردن كو ب رێكارێن پێدڤى راببن و دگهل لایهنێن پهیوهندیدارێن حكومهتا فیدرال د پهیوهندییاندابن بۆ كرینا گهنمێ جووتیارێن ههرێما كوردستانێ.</span></h3> <h3 style="text-align: justify;"><span style="font-size: 18pt;">سهرۆكوهزیران دووپاتى ل هندێ كر، پێدڤییه ههموو بزاڤ بۆ هندێ بهێنهكرن كو جووتیارێن كوردستانێ پشت راست ببن بهرههمێن وان دێ هێتهكرین.</span></h3>
