<h3 style="text-align: justify;"><span style="font-size: 18pt;">ئالان حهمه سالح سهعید وهزیرێ پهروهردێ یێ حكومهتا ههرێما كوردستانێ ئاشكراكر، هێزێن ئێمناهییێ ل سهر داخوازا قانوونییا وهزارهتا پهروهردێ باندهك دهستهسهركر كو كار ل سهر خاپاندنا قوتابییان دكر.</span></h3> <h3 style="text-align: justify;"><span style="font-size: 18pt;">ئالان حهمه سهعیدى د پرێسكۆنفرانسهكیدا راگههاند، سزایێن تووند ل دووڤ قانوونێ بۆ دزینا پرسیارێن تاقیكرنێن پۆلێن دووماهییێ هاتینه دانان، داكو دادپهروهرییێ ب سهلمینن دێ رێكاران بهرامبهر باندێن خاپاندنێ بكارئینن.</span></h3> <h3 style="text-align: justify;"><span style="font-size: 18pt;">وهزیرێ پهروهردێ داخواز ژ قوتابییان كر نێزیكى وان جۆره باندان نهبن و خوه ب وان بابهتانڤه مژوول نهكهن، ههتا بهرێ سپێدى ژى پرسیارێن تاقیكرنان ناگههنه پارێزگههان.</span></h3> <h3 style="text-align: justify;"><span style="font-size: 18pt;">ئالان حهمه سهعیدى سهبارهت پرۆسهیا نههێلانا قوپیایێ دیاركر، پرۆسه ل ناڤا پرۆگرامێن خواندنێ ب چهند قووناغان هاتییه رێكخستن داكو ببیته كولتوورهك و رهوشهنبیرییهك بۆ قوتابییان.</span></h3> <h3 style="text-align: justify;"><span style="font-size: 18pt;">وهزیرێ پهروهردێ راگههاند ژى، مۆبایلێن تایبهت بۆ ههموو وان مامۆستایان هاتینه دابینكرن یێن پشكدارییێ دتاقیكرنێن پۆلا 12ێدا دكهن، نابیت ئامیرێن ئهلكترۆنى ببهنه دژوورڤه، ههروهسا دڤێت پشكنین بۆ قوتابییان بهێنهكرن.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، نابیت پشتى تاقیكرنان ژى وێنه بۆ پرسیاران بهێنه گرتن، ژبهركو وهزارهتا پهروهردێ پشتى تاقیكرنان دێ كۆپییهكا پرسیاران بهلاڤكهت.</span></h3>