<h3 style="text-align: justify;"><span style="font-size: 18pt;">دماوێ 24 ده‌مژمێرێن بووریدا چه‌ندین حاله‌تێن خوه كوشتنێ ل عیراقێ هاتینه تۆماركرن، دووماهى جار كچه‌كا 17 سالى بوو، رێكخرا ساخله‌مییا جیهانى دیاردكه‌ت، ژ هه‌ر چار عیراقییان، ئێك ژ وان ئاریشه‌یێن ده‌روونى هه‌نه</span></h3> <h3 style="text-align: justify;"><span style="font-size: 18pt;">ل دووڤ راپۆرته‌كا سایتێ ئه‌لحوره، ئه‌ڤرۆ پێنجشه‌مبى 27ى نیسانا 2023ێ ژنه‌كا ژ دایكبوونا 2006ێ ل نه‌جه‌ف ژبه‌ر ناكووكییێن خێزانێ خوه كوشتییه.</span></h3> <h3 style="text-align: justify;"><span style="font-size: 18pt;">ئه‌وى سایتى دیاركر، ده‌زگه‌هێن ئێمناهییا عیراقێ راگه‌هاندینه، دماوێ چار رۆژێن بووریدا، حه‌فت حاله‌تێن خوه كوشتنێ هاتینه تۆماركرن، كو پێنج حاله‌ت د 48 ده‌مژمێرێن بووریدا بوون.</span></h3> <h3 style="text-align: justify;"><span style="font-size: 18pt;">راپۆرتا سایتێ ئه‌لحوره ئاماژه ب هندێ دا، قوتابییه‌كا كۆلیژا ده‌رمانسازى دره‌وشه‌كا نه یا رووندا ب ده‌مانجێ دووماهى ب ژیانا خوه ئینا، ژبلى هندێ گه‌نجه‌كى و هه‌ڤژینا وى ل گوندێ ( ئه‌لزه‌هه‌ب ئه‌لئه‌یبه‌ز ) ل قه‌زایا ئه‌بوغرێب بزاڤێن خوه كوشتنێ كرن، لێ هاتنه قوورتالكرن.</span></h3> <h3 style="text-align: justify;"><span style="font-size: 18pt;">هه‌روه‌سا ئاشكراكر، تێبینییا هندێ هاتییه كرن، حاله‌تێ خوه كوشتنێ ل عیراقێ بوویه دیارده‌یه‌كا به‌ربه‌لاڤ، كو چاره‌سه‌رییێن ده‌روونى دوى وه‌لاتیدا ل ئاستێ پێدڤى نینن.</span></h3> <h3 style="text-align: justify;"><span style="font-size: 18pt;">ل دووڤ زانیارییێن رێكخراوا ساخله‌مییا جیهانێ، ژ هه‌ر چار عیراقییان، ئێك ژ وان ئاریشه‌یێن ده‌روونى هه‌نه.</span></h3> <h3 style="text-align: justify;"><span style="font-size: 18pt;">ساخله‌مییا جیهانێ ئاماژێ ب هندێ دده‌ت، بۆ هه‌ر ملیۆن عیراقییان سێ نوشدارێن ده‌روونى هه‌نه، دبه‌رامبه‌ر دا ل فره‌نسا 209 نوشدارێن ده‌روونى به‌رامبه‌ر وێ ژماره‌یێ هه‌نه.</span></h3>
