ئێكهتییا سهندیكایێن كرێكارێن كوردستانێ داخوازا بجهئینانا قانوونا تایبهت ب مافێ كرێكاران دكهت.
ئۆفیسا بجهئینانێ یا ئێكهتییا سهندیكایێن كرێكارێن كوردستانێ پهیامهك ب ههلكهڤتا رۆژا جیهانییا كرێكاران راگههاند و تێدا داخواز ژلایهنێن پهیوهندیدار كر، كار بۆ بجهئینانا ههرسێ قانوونێن خانهنشینى و دهستهیا جڤاكى و قانوونا كارى و قانوونا رێكخستنا سهندیكایێ بكهن.
دپشكهكا دییا پهیامێدا داخواز هاتییهكرن، كرێیا دهمژمێرێن كاركرنا كرێكاران و مووچهیێ خانهنشینان بهێته زێدهكرن، ناڤهندهكا نیشتیمانییا ساخلهمى و سلامهتییا پیشهیى بۆ كرێكاران بهێته ڤهكرن، بیمهیا ساخلهمییێ بۆ بهێته بهردهستكرن و خۆلێن هووشیاركرنێ بهردهوام بۆ بهێنه ڤهكرن و زێدهتر راهێنانێن پیشهیى ب كرێكاران بهێنهكرن.
ههروهسا داخواز هاتییهكرن، ئینانا دهستێ كارێ بیانى بهێته راگران، ب تنێ دوان بیاڤاندا نهبیت یێن بسپۆرییا وان ل ههرێما كوردستانێ نهبیت و رهوشا بازارى بهێته كۆنترۆلكرن، داكو بها د ئاستێ داهات و ژیانا خهلكێ كێمدهرامهت بیت.
