پارێزگارێ دهۆکێ 100 ملیۆن دینار بۆ پێدڤیەکا جوتیاران تەرخان کرن

سکرتێرێ ڕۆژنامەڤانی یێ پارێزگەها دهۆکێ ڕاگەهاندیە، حکومەتا هەرێما کوردستانێ و بتایبەتی ژی د. عەلی تەتەر، پارێزگارێ دهۆکێ ب بەردەوامی هاریکاریان پێشکێشی جوتیاران دکەن و کەرتێ چاندنێ وەک کەرتەکێ ستراتیژی بۆ بەرەڤپێشبرنا ژێرخانا ئابووری و دابینکرنا ئاسایشا خۆراکی ل هەرێما کوردستانێ دبینن.

ئاماژە کریە ژی،”بۆ ڤێ مەرەمێ ژی لدووڤ راسپاردا د. عەلی تەتەر، پارێزگارێ دهۆکێ ڕەزامەندی هاتیە دان ل سەر مەزاختنا 100 ملیۆن دیناران ژبۆ کڕینا قڕکەرێ کیمیایی بۆ ژناڤبرنا کێزا سنکی، ئەڤرۆ ژی رێڤەبەرییا گشتی یا چاندنێ ل پارێزگەها دهۆکێ/ پشکا پاراستنا ڕووەکی، 6849 (شەش هزار و هەشتسەد و چل و نەهــ) لیتر، ژ قڕکەری ل سەر رێڤەبەریێن چاندنێ  ل قەزا و ناحیان دابەشکرن.”

دیارکر ژی، قڕکەر دگەل پێدانا رێنماییان بۆ ژناڤبرنا مێش و مۆرا و بتایبەتی ژی کێزا سنکی لسەر بەرهەمێ گەنمی بێ بەرامبەر و وەک هاریکاری بسەر جوتیاراندا دێ هێتە دابەش کرن.