ئێڤاریا ئه‌ڤرۆ دووشه‌مبی 1 ئەیارا 2023، نێچيرڤان بارزانى، سه‌رۆكێ هه‌رێما كوردستانێ، پێشوازى ل شاندەکێ بلند یێ ئەڵمانیا کر کو پێکهاتبوون ژ د. يۆخن فلاسبارس وه‌زيرێ ده‌وله‌تێ بۆ هاريكاريیا ئابوورى و گه‌شه‌پێدانێ و ڤێرنه‌ر گاتزه‌ر وه‌زيرێ ده‌وله‌تێ بۆ كاروبارێن دارايى.
د کۆمبوونێدا کو باڵيۆزێ ئه‌ڵمانيا ل عیراقێ و كونسۆڵى گشتییێ ئه‌ڵمانيا ل هه‌ولێرێ ئاماده بوون، گرنگیدان ب په‌يوه‌ندییێن ئه‌ڵمانيا دگه‌ل عیراق و هه‌رێما كوردستانێ و په‌يوه‌ندییێن هه‌ولێر ـ به‌غدا و ڕەوشا گشتی یا عیراقێ گۆتووبێژکر.
شاندێ مێهڤان سەرەڕای دیارکرنا پشتەڤانییا بەردەوام یا ئەڵمانیا بۆ عیراق و هەرێما کوردستانێ، خواستا وەڵاتێ خۆ بۆ گرنگیدان ب پەیوەندییێن دگەل هەرێما کوردستانێ د هەمی بواراندا دوپاتکر.
ژ لایێ خۆڤە سەرۆک نێچیرڤان بارزانی، سەرەڕای دەربڕینا سوپاسی و پێزانینێن هەرێما کوردستانێ بۆ پشتەڤانی و هاریکارییا گەل و حکومەت و پەرلەمانێ ئەڵمانییا دوپاتکر، دیارکر کو هەرێما کوردستانێ خوازیارە پەیوەندییێن خۆ د هەمی بواراندا دگەل ئەڵمانییا پێشڤە ببەت، هەروەسا ئامادەیی بۆ هەمی ئاسانکارییان بۆ کەرتێ تایبەت و وەبەرهێنانا ئەڵمانی ل هەرێما کوردستانێ دیارکر.
کارتێکرنێن گوهۆڕینێن سەقایی ل سەر عیراقێ و هەرێما کوردستانێ، دوماهی پێشهاتێن دەڤەرێ ب گشتی و چەندین پرسێن دی جهێ گرنگیدانا هەڤپشک و تەوەرەکێ دی یێ کۆمبوونێ بوون، هەر وەسا خاتر خواستن ل باڵيۆزى ئه‌ڵمانيا ل عیراقێ كر كو ل دەمەکێ نێزیکدا ل داهاتووی دێ دووماهی ب ئەرکێ وی هێت ل عیراقێ و سەرۆک نێچیرڤان بارزانی هیڤیا سەرکەڤتنێ د ئەرکێ وی یێ نوو دا بۆ خواست.
