رۆژنامه‌ڤانه‌ك: هه‌كه كلچدار ئوغلۆ سه‌ركه‌فتنێ د هه‌لبژارتنان دا بینیت دێ په‌یوه‌ندی یێن توركییا ل گه‌ل هه‌رێما كوردستانێ باشتر بن
ئاژانسا خانی:
جه‌سیم ئیلهانی” رۆژنامه‌ڤانه‌كه ل باكوورێ كوردستانێ بۆ ئاژانسا خانی دیار كر: میدیایێن توركی دده‌نه دیار كرن” د هه‌لبژارتنێن ڤێ جارێ یێن توركییا دا” كه‌مال كلچدار ئوغلۆ” دێ سه‌ركه‌فتنێ د هه‌لبژارتنان دا ئینیت و دێ بیته سه‌رۆك كۆمارێ توركییا” هه‌ر چه‌نده لدووڤ راگه‌هاندنا میدیایێن توركی ” هه‌ڤپه‌یمانییا ملله‌ت ب سه‌رۆكاتییا كلچدار ئوغلۆیی و هه‌ڤپه‌یمانییا جمهور ب سه‌رۆكاتییا ئه‌ردۆغانی” سه‌ركه‌فتنێ د هه‌لبژارتنان دا مسۆگه‌ر ناكه‌ن” به‌لێ هه‌ده‌په دێ پشته‌ڤانییێ ل هه‌ڤپه‌یمانییا ملله‌ت كه‌ت” له‌وما دێ سه‌ركه‌فتنێ د هه‌لبژارتنان دا ئینیت” هه‌روه‌سا هه‌كه كلچدار ئوغلۆ سه‌ركه‌فتنێ د هه‌لبژارتنێن توركییا دا بینیت” دێ په‌یوه‌ندی یێن وی ل گه‌ل هه‌رێما كوردستانێ د باشتر بن” د هه‌مان ده‌مدا به‌ری چه‌ند هه‌یڤان جه‌هه‌پێ سه‌ره‌دانا هه‌رێما كوردستانی كربوو” ده‌مێ زڤرین وان دیار كربوو” ئه‌و دێ تێكه‌لی یێن خۆ یێن ئابووری و سییاسی ل گه‌ل هه‌رێما كوردستانێ باشتر لێ كه‌ن” دیسان هه‌كه مه‌رال ئاكشه‌نه‌ر سه‌رۆكا ئیی پارتی ل توركییا ژی ئاسته‌نگان دروست نه‌كه‌ت” ل توركییا ژی پێنگاڤێن باش ل هه‌مبه‌ری دۆزا كوردان دێ هێنه هاڤێتن.
ناڤهاتی گۆت ژی: د نوكه دا میدیایێن توركی بووینه دو پارچه” پارچه‌ك ژ وان یا ئاكپارتی و مه‌هه‌پێ یه” میدیایێن ده‌وله‌تێ ژی هاریكارییا وان دكه‌ن” یێن دیتر ژی پشته‌ڤانییێ ل ئوپۆزسیۆنێ دكه‌ن.
جه‌سیم هێشتا دبێژیت: كه‌مال كلچدار ئوغلۆ سه‌رۆكێ هه‌ڤپه‌مانییا ملله‌ت دیار كرییه” هه‌كه ئه‌و سه‌ركه‌فتنێ د هه‌لبژارتنان دا بینیت” ژ بۆ پرسگرێكا كوردی ئه‌و دێ پتر گاڤان هاڤێژیت و دناڤا په‌رله‌مانێ توركییا دا ئه‌و دێ ئاریشان چاره‌سه‌ر كه‌ت” دیسان دناڤا په‌رله‌مانێ توركییا ژی ئێدی كورد دشێن ب زمانێ خۆ ئاخڤن.
