<h3 style="text-align: justify;"><span style="font-size: 18pt;">وه‌زیرێ ده‌رڤه یێ عیراقێ راگه‌هاند، رێككه‌ڤتن بۆ ده‌ستپێكرنا هنارده‌كرنا په‌ترۆلا هه‌رێما كوردستانێ هاتییه كرن، لێ هه‌تا ئه‌ڤرۆ ژى عیراقێ نامه بۆ توركیا نه‌هنارتییه و گوت: شاندێ هه‌ڤپشكێ به‌غدا و هه‌ولێرێ دانوستاندنان بۆ ده‌ستپێكرنا هنارده‌كرنا په‌ترۆلا هه‌رێما كوردستانێ دگه‌ل ئه‌نقه‌ره دكه‌ن.</span></h3> <h3 style="text-align: justify;"><span style="font-size: 18pt;">فوئاد حسێن وه‌زیرێ ده‌رڤه یێ عیراقێ ل دۆر ده‌ستپێنه‌كرنا هنارده‌كرنا په‌ترۆلا هه‌رێما كوردستانێ دیاركر، رێككه‌ڤتن هاتییه‌كرن، لێ دانوستاندنێن جۆره‌وجۆر دگه‌ل كۆمپانییێن كرینا په‌ترۆلێ ده‌ستپێنه‌كرینه و هاتینه پاشخستن.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، ئه‌و دووهى دگه‌ل وه‌زیرێ په‌ترۆلا عیراقێ بوو و ئه‌و دگه‌ل كۆمپانییان رێككه‌ڤن، ئه‌ڤه رامانا هندێ یه كو هه‌رێما كوردستانێ و به‌غدا گه‌هشتنه رێككه‌ڤتنێ، هه‌رێم و كۆمپانی گه‌هشتنه رێككه‌ڤتنێ، به‌غدا و كۆمپانى ژى گه‌هشتنه رێككه‌ڤتنێ، قووناغا داهاتى په‌یوه‌ندى ب شاندێ هه‌ڤپشكێ به‌غدا و حكومه‌تا هه‌رێما كوردستانێ و توركیاڤه هه‌یه.</span></h3> <h3 style="text-align: justify;"><span style="font-size: 18pt;">وه‌زیرێ ده‌رڤه یێ عیراقێ ئاشكراكر، حكومه‌تا عیراقێ هه‌تا ئه‌ڤرۆ ژى چ نامه بۆ ده‌ستپێكرنا هنارده‌كرنا په‌ترۆلا هه‌رێما كوردستانێ بۆ توركیا نه‌هنارتینه، ئه‌و گه‌هشتینه رێككه‌ڤتنێ و نامه دێ هێته هنارتن، خاله‌كێ په‌یوه‌ندى ب هندێ ڤه هه‌یه كو توركیا رێكێ ب هنارده‌كرنا په‌ترۆلا هه‌رێما كوردستانێ بده‌ت.</span></h3> <h3 style="text-align: justify;"><span style="font-size: 18pt;">ل دووڤ ئاخڤتنێن فوئاد حسێنى، چ ئاریشه‌یێن قانوونى بۆ هنارده‌كرنا په‌ترۆلا هه‌رێما كوردستانێ نه‌ماینه.</span></h3>
