خالد رێكانی: سوبه‌هی خواندنا دووێ بۆ پرۆژه‌ قانوونا ب‌ پارێزگه‌هبوونا هه‌له‌بجه‌ دێ هێته‌ كرن

ئاژانسا خانی:

سوبه‌هی پێنجشه‌مبی” 4 ی گولانا 2023 ێ” خواندنا دووێ بۆ پرۆژه‌ قانوونا ب‌ پارێزگه‌هبوونا هه‌له‌بجه دێ هێته‌ كرن‌.

خالد رێكانی” ئه‌ندامێ جڤاتا نوونه‌رێن عیراقێ” تایبه‌ت بۆ ئاژانسا خانی دیار كر: پشتی حه‌فتییه‌كێ ژ دانوستاندنان ل ‌گه‌ل ئه‌ندامێن جڤاتا نوونه‌ران و سه‌رۆكاتییا جڤاتا نوونه‌رێن عیراقێ، ره‌زامه‌ندی هاتییه‌ دان ل سه‌ر پێشنییارا مه‌ بۆ خواندنا دووێ بۆ پرۆژه‌ قانوونا ب ‌پارێزگه‌هبوونا هه‌له‌بجه‌ و ئه‌ڤ بابه‌ته‌ سوبه‌هی پێنجشه‌مبی د به‌رنامه‌یێ كاری جڤاتا نوونه‌ران دایه‌” هه‌روه‌سا ل 13 ی ئادارا ئه‌ڤ ساله‌” جڤاتا وه‌زیرێن عێراقێ رێكارێن ب‌ پارێزگه‌هبوونا هه‌له‌بجه‌ ته‌مام كرینه‌، ئه‌و پرۆژه ‌قانوونه‌ په‌سه‌ند كر و ره‌وانه‌یی جڤاتا نوونه‌رێن عێراقێ كرییه‌ بۆ هندێ هه‌له‌بجه‌ بییته‌ پارێزگه‌ها 19 ل عێراقێ.

ناڤهاتی گۆت ژی: هه‌ر چه‌نده‌ سوبه‌هی دێ خواندنا دووێ بۆ وی بابه‌تی هێته‌ كرن” به‌لێ هنده‌ك ئه‌ندامێن جڤاتا نوونه‌رێن عیراقێ یێن عه‌ره‌ب رازی نابن كو هه‌له‌بجه‌ ببیته‌ پارێزگه‌هـ و ئه‌و حه‌ز دكه‌ن گه‌له‌ك ده‌ڤه‌رێن وان ژی ببنه‌ پارێزگه‌هـ و و ئه‌ڤ چه‌نده‌ دێ ئاسته‌نگان په‌یدا كه‌ت ل ده‌مێ ده‌نگدانێ” له‌وما ئه‌ز باوه‌ر ناكه‌م” ئه‌و ئه‌ندامێن جڤاتا نونه‌ران یێن عه‌ره‌ب ده‌نگی ل سه‌ر پارێزگه‌هبوونا هه‌له‌بجه‌ بده‌ن.