سەرۆك بارزانی پێشوازی ل باڵیۆزی ئەڵمانیا ل عیراقێ کر

ڕۆژا پێنجشەمبی چارى گۆلانا 2023، ل سەلاحەدین سەرۆك مەسعوود بارزانی پێشوازی ل مارتین یێگەر باڵیۆزێ ئەڵمانیا ل عیراقێ كر، کو بهەلکەڤتا ب دووماهی هاتنا ئەرکێن خوه‌ و خاترخواستنێ سەردانا سەرۆك بارزانی كربوو.

د دیدارێدا سەرۆك بارزانی هیڤییا سەركەڤتنێ بۆ باڵیۆزێ ئەڵمانیا خواست و سوپاسییا گەل و حكومەتا ئەڵمانیا كر كو دقووناغێن جودا دا پشتەڤان بوویە بۆ گەلێ كوردستانێ.

هەر د دیدارێدا ڕەوشا سیاسییا عیراق و پەیوەندییێن دناڤبەرا حكومەتا هەرێما كوردستانێ و حكومەتا عێراقا فیدڕاڵدا گۆتوبێژکرن و دووپاتی ل گرنگیدانا پەیوەندییێن دناڤبەرا هەردوو لایان دا هاتە کرن.