سهرۆكێ ههرێما كوردستانێ و باليۆزێ بريتانيا ل عیراقێ، دووماهیك پێشهاتێن پهيوهنديیێ دناڤبەرا ههولێر ـ بهغدا، بزاڤێن چارەسەركرنا ئاریشەیان دناڤبەرا ههولێر ـ بهغدا، رەوشا ناڤخۆ یا هەرێما كوردستانێ، پرسا هەلبژارتنان، ڕەوشا شنگالێ، پهيوهندييێن بريتانيا دگەل عیراق و ههرێما كوردستانێ گۆتۆبێژكر.
ههردوو لایەن ب ئهرێنی باس ل پێشڤەچوون و لێكگههشتنا دناڤبەرا ههولێر و بهغدا كر بۆ چارهسهركرنا ئاریشەیێن دناڤبەرێ دا، ههروهسا هەردوو لایەن د هەڤڕابوون ل سهر گرنگيىا چارهسهركرنا ناكۆكييێن سياسی یێن ناڤخۆ یا ههرێما كوردستانێ و ئهنجامدانا هەلبژارتنان د دەمێ خۆدا.
لدۆر ڕەوشا شنگالێ، ههردوولایەنان دووپات ل گرنگيیا پاراستنا ئارامى و سهقامگيريیا دەڤەرێ و جێبهجێكرنا ڕێككەفتنا حكومهتا ههرێما كوردستانێ و حكومهتا عیراق یا فيدرال بۆ ئاساييكرنا ڕەوشا شنگالێ ب پێدڤی و گرنگ قهلهمدا.
