سه‌رۆكێ حكومه‌تا هه‌رێما كوردستانێ پێشوازى ل بالیۆزێ بریتانیا ل عیراقێ كر و ره‌وشا ناڤخۆ یا هه‌رێما كوردستانێ و عیراقێ هاته گوتوبێژكرن.
مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل بالیۆزێ بریتانیا ل عیراقێ كر و ره‌وشا ناڤخۆ یا هه‌رێما كوردستانێ و چاره‌سه‌ركرنا ئاریشه‌یێن هه‌رێم و حكومه‌تا فیدرال دگه‌لدا گوتوبێژكر.
دكۆمبوونێدا كو رۆزى كه‌یڤ كونسۆلێ گشتییێ بریتانیا ل هه‌رێما كوردستانێ تێدا یێ پشكداربوو، دانوستاندن ل دۆر ره‌وشا ناڤخۆ یا هه‌رێما كوردستانێ و گرنگییا چاره‌سه‌ركرنا ئاریشه‌یێن هه‌رێم و حكومه‌تا فیدرال هاته كرن.
ئاماژه ب هندێ دا كو پشتى ئیمزاكرنا رێككه‌ڤتنا تایبه‌ت ب په‌ترۆلێ، هه‌رێما كوردستانێ هه‌موو ئه‌رك و پابه‌ندییێن خوه بجهئینان و چاڤه‌رێنه حكومه‌تا فیدرال ئه‌رك و به‌رپرسیاره‌تییێن خوه به‌رامبه‌ر هه‌رێما كوردستانێ بجهبینیت.
بالیۆزێ بریتانیا پشته‌ڤانییا وه‌لاتێ خوه بۆ چاره‌سه‌ركرنا ئاریشه‌یێن هه‌رێما كوردستانێ و حكومه‌تا فیدرال ل سه‌ر بنه‌مایێن ده‌ستوورى و رێككه‌ڤتنا دناڤبه‌را هه‌ولێر و به‌غدا دا دووپاتكر.
ل دۆر ره‌وشا سیاسییا هه‌رێما كوردستانێ، هه‌ردوو لایه‌ن ل سه‌ر گرنگییا كرنا هه‌لبژارتنێن په‌رله‌مانێ كوردستانێ ل ده‌مێ خوه یێ ده‌ستنیشانكرى دئه‌ڤساله‌دا دهه‌ڤرابوون.
ته‌وه‌ره‌كێ دییێ كۆمبوونێ یێ تایبه‌ت بۆ ب پێدڤییا بجهئینانا رێككه‌ڤتنا شنگالێ، هه‌ردوو لایه‌نان پشته‌ڤانییا خوه بۆ پاراستنا تماما مافێن ئێزدییان و پێشڤه‌برنا كولتوورێ پێكڤه‌ژیانا ئاشتییانه دناڤبه‌را پێكهاته‌یاندا دووپاتكر.
