سه‌رۆك بارزانى پێشوازى ل بالیۆزێ بریتانیا ل عیراقێ كر

سه‌رۆك مه‌سعوود بارزانى پێشوازى ل بالیۆزێ بریتانیا ل عیراقێ كر و پیرۆزباهییێن خوه‌ ئاراسته‌یى گه‌لێ بریتانیا كرن ب هه‌لكه‌ڤتا دانانا تاجێ ل سه‌ر سه‌رێ شاهـ چارلسێ سێیێ.

سه‌رۆك بارزانى ل پیرمام پێشوازى ل مایك برایس ریچاردسن بالیۆزێ بریتانیا ل عیراقێ كر، د دیداره‌كێدا كو روزى كه‌یڤ كونسۆلێ گشتییێ بریتانیا ل هه‌ولێرێ تێدا یێ به‌رهه‌ڤبوو، سه‌رۆك بارزانى پیرۆزباهییێن خوه‌ ئاراسته‌یى گه‌لێ بریتانیا كرن ب هه‌لكه‌ڤتا دانا تاجێ ل سه‌ر سه‌رێ شاهـ چارلسێ سێیێ.

دپشكه‌كا دییا دیدارێدا ره‌وشا سیاسییا عیراقێ و په‌یوه‌ندییێن دناڤبه‌را هه‌ردوو حكومه‌تێن هه‌رێما كوردستانێ و فیدرالدا هاتنه‌ گوتوبێژكرن، دووپاتى ل پێشڤه‌برن و باشتركرنا په‌یوه‌ندییێن دناڤبه‌را هه‌ردوو لایاندا هاته‌ كرن.

دهه‌مان دیداردا، ره‌وشا ناڤخۆ یا هه‌رێما كوردستانێ هاته‌ گوتوبێژكرن و دووپاتى ل سه‌ر پێدڤییا كرنا هه‌لبژارتنان ل ده‌مێ خوه‌ ده‌ستنیشانكرى هاته‌ كرن.