جێگرێ سهرۆكێ پهرلهمانێ كوردستانێ راگههاند، پێدڤییه ههلبژارتنێن پهرلهمانى ل دهمێ خوه یێ دهستنیشانكرى بهێنهكرن و وان ههموو بزاڤ بۆ ڤێ چهندێ كرینه.
دبێژیت ژى: وان چهندین كۆمبوون دگهل فراكسیۆنان كرینه و گهلهك دهرفهت داینه لایهنان داكو ل سهر كاراكرنا كۆمیسیۆنێ و ههمواركرنا قانوونا ههلبژارتنان رێكبكهڤن، كو لایهنێن سیاسى دیتنێن جوودا سهبارهت شێوازێ ههلبژارتنان ههنه، ئهڤه ژبلى بهرههڤییێن تهكنیكى یێن ب رێڤهبرنا پرۆسهیا ههلبژارتنان، كو هیڤییا وان ئهوه چ بهانه نه بنه ئهگهر بۆ نهكرنا ههلبژارتنان ل دهمێ خوه یێ دیاركرى.
جێگرێ سهرۆكێ پهرلهمانێ كوردستانێ داخواز ژ یونامی و كۆمهلگهها نێڤدهولهتى كر، چاڤدێر و هاریكار و ههماههنگ بن بۆ كرنا ههلبژارتنان و ل نێزیك چاڤدێرییا پرۆسهیێ بكهن.
