مێسى ل سه‌ر ئوفه‌را هیلالێ رازیبوویه‌ ؟

ژێده‌رێن رۆژنامه‌ڤانى یێن ئسپانیا چه‌ند نووچه‌یێن به‌رۆڤاژى ئێك ده‌رباره‌ى چوونا ستێرا ئه‌رجه‌نتینى لیونێل مێسى بۆ یانه‌یا هیلال یا سعوودى به‌لاڤكرن.

به‌رنامه‌یێ چێرینگیتۆ یێ ناڤدار دیاركر، مێسى ل سه‌ر ئوفه‌را هیلالێ رازیبوویه‌، هه‌روه‌سا دێ سێرجیۆ بۆسكێتس ژى بۆ دوو سالان هه‌ڤبه‌ستێ دگه‌ل وێ یانه‌یێ گرێده‌ت و به‌ره‌ڤانێ لایێ چه‌پێ جۆردى ئه‌لبا ژى ئه‌گه‌ر هه‌ڤبه‌ستا خوه‌ دگه‌ل بارسێلۆنا ب دووماهى بینیت دێ په‌یوه‌ندییێ ب وان كه‌ت.

دبه‌رامبه‌ر دا رۆژنامه‌یا موندۆ دیپورتیڤۆ ئاشكراكر، كه‌سێن نێزیكى مێسى ئه‌و ئاگه‌هداركرینه‌ كو ستێرا تانگۆیێ رێككه‌ڤتن دگه‌ل چ یانه‌یێن عه‌ره‌بى نه‌كرییه‌، هه‌تا نوكه‌ مێسى بریارا خوه‌ نه‌دایه‌ و یێ ل هیڤییێ ئه‌ڤ وه‌رزه‌ ب دووماهى بهێت و ژ نوو دێ بریارێ ل سه‌ر پاشه‌رۆژا خوه‌ ده‌ت.