به‌ری چه‌ند رۆژان شانده‌كێ هەرێما کوردستانێ سه‌ره‌دانا وه‌لاتێ ئەمریکا كربوو چه‌ندین كۆمبوون ل گه‌ل بازرگانێن وی وه‌لاتی ئه‌نجامداینه” كو پارێزگارێ دهۆكێ و سه‌رۆكێ ده‌سته‌یا وه‌به‌رهێنانێ ل هه‌رێما كوردستانێ ل گه‌ل دابوو، هه‌روه‌سا شانده‌كێ بازرگانێن ئەمریکا سەره‌دانا هەرێما کوردستانێ کرییە و د ڤان رۆژان دا دێ چه‌ندین دیدار و کۆمبوونان ساز کەن .
د. محەمەد شوکری” سه‌رۆكێ ده‌سته‌یا وه‌به‌رهێنانێ ل هه‌رێما كوردستانی بۆ ئاژانسا خانی دیار كر: ل ڤان رۆژان شانده‌كێ بازرگانێن وه‌لاتێ ئەمریکا” كو نوونەرا حکومەتا هەرێما کوردستانێ، بەیان سامی عەبدولرەحمان ل گەل دایه سەره‌دانا هەرێما کوردستانێ کرییه و ل ڤێ حه‌فتییێ دا دی ده‌ست ب چه‌ندین دیدار و کۆمبوونان ل هه‌رێما كوردستانێ کەن.”
ناڤهاتی گۆت ژی: مەره‌م ژ هاتنا وی شاندی ئه‌مریكی بۆ هه‌ریما كوردستانی ئه‌وه” كو كارێ وه‌به‌رهێنانێ و بازرگانییێ ل هەرێما کوردستانێ بکەن و ئه‌م ژی وه‌كو ده‌سته‌یا وه‌به‌رهێنانێ ل هه‌رێمێ دێ هەموو ئاسانکارییان بۆ وان کەین، چونکی حکومەتا هەرێما کوردستانێ بۆ هندێ داكو وەبەرهێنەرێن بیانی بهێنه كوردستانێ و كارێ وه‌به‌رهێنانێ بکەن” دێ هه‌موو ئاسانکارییان بۆ كه‌ت و هه‌رده‌م ده‌رگه‌هێ وان بۆ كارێ وه‌به‌رهێنانێ یێ ڤه‌كرییه.
د. محه‌مه‌د شوكری دبێژیت ژی: به‌ری چه‌ند رۆژان ل سه‌ر داخوازنامه‌كا فه‌رمی شانده‌كێ هەرێما کوردستانێ سەره‌دانا وه‌لاتێ ئەمریکا کربوو و چەندین دیدار و کۆمبوون ژی مه ئەنجام داینه و د وێ سەره‌دانا خۆ دا وان داخواز کرییه كو شاندێن بازرگانێن ئەمریکا سەره‌دانا هەرێما کوردستانێ بکەن و بریار هاته دان كو شانده‌كێ بازرگانێن ئەمریکا د بیاڤێن وه‌به‌رهێنانێ دا سەره‌دانا هەرێما کوردستانێ بكه‌ن، له‌وما وی شاندێ بازرگانێن ئەمریکا سەره‌دانا هەرێما کوردستانێ کرییە و دێ وه‌به‌رهێنانێ ل كوردستانێ كه‌ت.”
ئاژانسا خانی:
