هەر ئێك ژ مەلا سەعید و مەلا عەلی و شاندێ دگەلدا ژ ئێکەتییا زانایێن موسلمانان تایێ شێخان سەرەدانا سەماحەتا بابه شێخی کرن ل کۆمەلگەها شێخکا.
دڤێ سەرەدانێدا هەردوو لایان دانوستاندن ل سەر بۆیەرا دەڤەرا شنگالێ یا ڤێ دووماهییێ کرن و هەردوو ل سەر رێزگرتنا بیروباوەرێن ئۆلی و نەتەوەیێن جیاواز دههڤرابوون.
ژلایێ خوە ڤە سەماحەتا بابه شێخى داکۆکی ل سەر رێزگرتنا دناڤبەرا ئۆل و نەتەوەیێن جوودا داکر و داخوازکر کەسایەتیێن ئۆلی رێزێ ل دیانەتێن بەرامبەر خوە بگرن و زێدەباری داکۆکیکرنێ ل پێکڤەژیانا ئۆلی و نەتەوەیى ل کوردستانێ و عیراقێ، دا ژ پێخەمەت مللەت نەبیتە ئارمانجێن نەحەزان ژ بۆ تێکدانا ئاسایشا جڤاکی ل دەڤەرێ.