محەمەد سەعدەدین: سیستەمێ ھەلبژارتنا کۆرسی یێن پێكهاتان دێ ئێک بازنە بیت

ئاژانسا خانی” تایبەت:

سەرۆکێ پارتا گەشەپێدانا تورکومانان ئاشکرا کر، سیستەمێ ھەلبژارتنا کۆرسی یێن پێكهاتان ل ھەرێما کوردستانێ دێ ئێک بازنە بیت و ئەمریکا و نەتەوێن ئێکگرتی ژی رازینە سیستەمێ ئێک بازنەیی بۆ پێکھاتان بھێتە بجهئینان.

محەمەد سەعدەدین، سەرۆکێ پارتا گەشەپێدانا تورکومانان بۆ ئاژانسا خانی دیار کر” پێکھاتە پشکەک نینن ژ پاشخستنا پرۆسا ھەلبژارتنان ل ھەرێما کوردستانێ و ب تنێ ھندەک لایەنێن سیاسی کۆرسی یێن پێکھاتان دکەنە بەھانە، بەری نوکە ئەم ل گەل نەتەوێن ئێکگرتی و ئەمریکا کۆمبووینە و تێدا بڕیار ھاتییە دان پێکھاتە بخۆ بریارێ ل سەر سیستەمێ ھەلبژارتنا کۆرسی یێن پێكهاتان بدەن، هه‌وه‌سا مه‌ دووماھی پەیاما خۆ گەھاندییە ھەموو لایەکی” كو ئەم رازینابین دەستێوەردان بھێنە کرن و چ لایەن بڕیارێ ل سەر کۆرسی یێن پێكهاتان بدەن.

ناڤهاتی گۆت ژی”  سیستەمێ ھەلبژارتنا کۆرسی یێن پێكهاتان دێ ئێک بازنە بیت و نەتەوێن ئێکگرتی ژی ھەمان بۆچوون ھەیە، چونکی ئەم نوونەرێن راستەقینە یێن پێکھاتێن ھەرێما کوردستانێ نه‌ و بۆ کەسێ نینە بڕیارێ ل سەر چارەنڤیسێ مە بدەت، ھەر دەمێ ھەلبژارتن بھێتە ئەنجامدان ئەم بەرھەڤین و دخوازین ھەلبژارتن د دەمێ خۆ دا بھێنە کرن.