<h2>ڕێبەر ئەحمەد، وەزیرێ ناڤخۆیێ حكومەتا هەرێما كوردستانێ ئەڤرۆ پێشوازی ل تیما هەرێما كوردستانێ بۆ بەرهنگاربوونا مەترسییێن دارایی و بەرهنگاربوونا سپیكرنا پارەیی و پارەداركرنا تیرۆری كر.</h2> <h2>ئەو تیم ژ نوونەرێ وەزارەتا ناڤخۆ و 15 سازییێن هەرێما كوردستانێ پێكهاتبوو و ئەركێ وێ تیمێ بجهئینانا سیاسەتا گشتییا هەرێما كوردستانێ یە د بوارێ نەهێلانا دەرفەتێن سپیكرنا پارەیی و دووڤچوونێن هویر و هشككرنا ژێدەرێن پارەداركرنا تیرۆرێ.</h2> <h2>وەزیرێ ناڤخۆ سوپاسییا تیما هەرێما كوردستانێ كر، كو ب باشی كارێ خۆ ب رێڤەدبەن و بەحس ل بزاڤێن حكومەتێ و سازیییێن پەیوەندیدار یێن هەرێما كوردستانێ كر كو د چارچوڤێ سیاسەتەكا ڕووندا چەندین سالە شەرێ تیرۆر و ژێدەرێن داهات و پارەداركرنێ دكەن.</h2> <h2>لدۆر ڕاسپاردا ناڤدەولەتی ژی بۆ هەلسەنگاندنا رەوشا عیراق و هەرێما كوردستانێ، رێبەر ئەحمەد، وەزیرێ ناڤخۆ ئەو تیما هەرێمێ ڕاسپارد كو هەمی هەماهەنگییەكێ دگەل تیما فیدرال بكەن و ئەو ڕاسپاردێن پێدڤییە ل هەرێما كوردستانێ بهێنە بجهئینان، پشتی گونجاندنا وان دگەل تایبەتمەندییێن سازییان ب زویترین دەم بهێنە بجهئینان.</h2> <h2>هەروەسا پڕۆژەیاسایا هەرێما كوردستان بۆ جێبه‌جێكرنا یاسایا فیدرال یا بەرهنگاربوونا سپیكرنا پارە و پارەداركرنا تیرۆرێ گۆتۆبێژكر.</h2>
