<h3 style="text-align: justify;"><span style="font-size: 18pt;">ئهندامهكێ لژنهیا دارایى ل پهرلهمانێ عیراقێ راگههاند، لێكتێگههشتنهك دناڤبهرا ههرێما كوردستانێ و حكومهتا عیراقێدا ههیه، كو حكومهتا فیدرالى ههیڤانه 400 ملیار دیناران وهكو قهر بۆ ههرێمێ ب هنێریت، ههتا بودجه دهێته پهسهندكرن.</span></h3> <h3 style="text-align: justify;"><span style="font-size: 18pt;">د. خهلیل غازى ئهندامێ لژنهیا دارایى ل جڤاتا نوونهرێن عیراقێ بۆ ئاژانسا خانى دیاركر، لێكتێگههشتنهك دناڤبهرا حكومهتا عیراقێ و ههرێما كوردستانێدا ههیه، كو عیراق ههیڤانه 400 ملیار دیناران وهكو سلفه بۆ حكومهتا ههرێما كوردستانێ بهنێریت داكو حكومهتا ههرێمێ بشێت مووچه و شایستهیێن مووچهخۆران پێ بدهت، ههر دهمێ بودجه هاته پهسهندكرن دێ حسابێن ههیڤانه هێنهكرن، كا پشكا ههرێمێ چهنده، ئهو 400 ملیار دینارێن دهێنه هنارتن، دێ ژ وێ پشكێ هێنهبرین.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، ئهو پارهیێ هاتییه هنارتن ل دووڤ پێدڤییێن ههرێمێ یه، ئهگهر كورتئینان د بودجێدا ههبوو، دبیت ئهڤ پاره هێشتا زێدهتر لێ بهێت.</span></h3> <h3 style="text-align: justify;"><span style="font-size: 18pt;">سهبارهت هنارتنا 400 ملیار دینارێن دى یێن كو حكومهتا عیراقێ بریارداى بۆ ههرێمێ ب هنێریت، خهلیل غازى گوت: دهمێ هنارتنا وان پاران نههاتییه دیاركرن، لێ دێ ل دهمهكێ نێزیك هێنه هنارتن، و دبیت ههتا دووماهییا ڤێ ههیڤێ بودجه بهێته پهسهندكرن.</span></h3>
