<h3 style="text-align: justify;"><span style="font-size: 18pt;">رێڤه‌به‌رێ گشتییێ چاكسازییێن هه‌رێما كوردستانێ دیاركر، كارێن پرۆژه قانوونا لێبورینا گشتى تمامبووینه و نڤیسار ل به‌ر ده‌ستێن سه‌رۆكوه‌زیران و جێگرێ وییه بۆ هندێ ئیمزا بكه‌ن و بۆ په‌رله‌مانێ كوردستانێ بهێته ئیمزاكرن.</span></h3> <h3 style="text-align: justify;"><span style="font-size: 18pt;">ئیحسان عه‌بدلره‌حمان رێڤه‌به‌رێ گشتییێ چاكسازییێن هه‌رێما كوردستانێ ئاشكراكر، كارێن پرۆژه قانوونا لێبورینا گشتى تمامبووینه و نڤیسار ل به‌ر ده‌ستێن سه‌رۆكوه‌زیران و جێگرێ وییه، دڤێت هه‌ردوو ئیمزایێ ل سه‌ر بكه‌ن داكو بۆ په‌رله‌مانێ كوردستانێ بهێته هنارتن و خواندنێن ئێكێ و دووێ بۆ بهێنه‌كرن و ده‌نگ ل سه‌ر بهێته دان.</span></h3> <h3 style="text-align: justify;"><span style="font-size: 18pt;">هه‌روه‌سا دیاركر، ئه‌گه‌ر سه‌رۆكوه‌زیران و جێگرێ وى ره‌زامه‌ندییێ ل سه‌ر بده‌ن و ئیمزا بكه‌ن، ل وى ده‌مى رێكار ل په‌رله‌مانێ كوردستانێ دێ د ئاسان بن و د ده‌مه‌كێ گه‌له‌كێ كێمدا خواندنێن ئێكێ و دووێ دێ بۆ هێنه‌كرن، ئه‌و چاڤه‌رێى ئیمزایێن وانن.</span></h3> <h3 style="text-align: justify;"><span style="font-size: 18pt;">رێڤه‌به‌رێ گشتییێ چاكسازییێن هه‌رێما كوردستانێ ل دۆر لێبورینا گشتى ئه‌وا ژ 15 مادده‌یان پێكهاتى دبێژیت: نێزیكى ئێك هزار و 500 كه‌سان دێ مفاى ژ ڤێ لێبورینێ وه‌رگرن، لێ ئه‌ڤ لێبورینه ژ وان كه‌سێن ده‌ستدرێژى ل سه‌ر زارۆكان كرى و ئه‌وێن ژن كوشتین و هنده‌ك تاوانێن دى ناگریت.</span></h3> <h3 style="text-align: justify;"><span style="font-size: 18pt;">پشتى پرۆژه قانوونا لێبورینا گشتى بۆ په‌رله‌مانێ كوردستانێ دهێته هنارتن و خواندنا ئێكێ بۆ دهێته‌كرن و تێبینى ل سه‌ر دهێنه‌دان، لژنه‌یه‌كا وه‌زاره‌تا كار و كاروبارێن جڤاكى دێ سه‌ره‌دانا په‌رله‌مانێ كوردستانێ كه‌ت و روونكرنێ ل دۆر ئه‌وان مادده‌یێن تێبینى ل سه‌ر هه‌ی ده‌ت، دووڤدا خواندنا دووێ دێ بۆ هێته‌كرن و پاشان ب مه‌ره‌ما په‌سه‌ندكرنێ دێ كه‌ڤیته به‌ر ده‌نگدانێ.</span></h3> <h3 style="text-align: justify;"><span style="font-size: 18pt;">پشتى پرۆژه ل په‌رله‌مانى دهێته په‌سه‌ندكرن، پێدڤییه سه‌رۆكێ هه‌رێما كوردستانێ دماوێ 15 رۆژاندا ئه‌گه‌ر تێبینى هه‌بوون پرۆژه‌ى بهنێریته په‌رله‌مانێ كوردستانێ، ئه‌گه‌ر تێبینى نه‌بوون، دێ ئیمزا كه‌ت و چیته دبوارێ بجهئینانێدا.</span></h3>
