قه‌ته‌ر دێ كونسۆلخانه‌یا گشتییا وه‌لاتێ خوه‌ ل هه‌ولێرێ ڤه‌كه‌ت

وه‌لاتێ قه‌ته‌ر بریاردا كونسۆلخانه‌یا گشتییا وه‌لاتێ خوه‌ ل هه‌رێما كوردستانێ ڤه‌كه‌ت.

سه‌فین دزه‌یى به‌رپرسێ فه‌رمانگه‌ها په‌یوه‌ندییێن ده‌رڤه‌ پێشوازى ل خالد بن حه‌مه‌د ئه‌لسلێتى بالیۆزێ قه‌ته‌ر ل عیراقێ كر.

د دیداره‌كێدا به‌رپرسێ فه‌رمانگه‌ها په‌یوه‌ندییێن ده‌رڤه‌ یێن هه‌رێما كوردستانێ خۆشحالییا خوه‌ ب دیدارا بالیۆزى ده‌ربرى و ئاماژه‌ ب گرنگییا پێشڤه‌برنا په‌یوه‌ندییێن هه‌رێما كوردستانێ و وه‌لاتێ قه‌ته‌رێ دا، ب تایبه‌ت پشتى كو وه‌لاتێ قه‌ته‌ر بریارداى كونسۆلخانه‌یا گشتییا وه‌لاتێ خوه‌ ل هه‌رێما كوردستانێ ڤه‌كه‌ت، هه‌ڤده‌م ئاماده‌ییا هه‌موو جۆره‌ هاریكارى و ئاسانكارییێن حكومه‌تا هه‌رێما كوردستانێ بۆ ڤێ پێنگاڤێ ده‌ربرى.

ژلایێ خۆڤه‌ بالیۆزێ قه‌ته‌ر ل عیراقێ راگه‌هاند، حكومه‌تا قه‌ته‌ر ب مۆكۆمكرنا په‌یوه‌ندییان دگه‌ل حكومه‌تا هه‌رێما كوردستانێ یا كه‌یڤخۆشه‌، بۆ ڤێ مه‌ره‌مێ ژى ڤه‌كرنا كونسۆلخانه‌یا گشتییا وه‌لاتێ وان ل هه‌رێما كوردستانێ پێنگاڤه‌كا باشه‌ بۆ پێشڤه‌چوونێ و بریاره‌ ل ڤان نێزیكان كونسۆلخانه‌یا گشتییا وه‌لاتێ خوه‌ ب شێوه‌یه‌كێ فه‌رمى ڤه‌كه‌ت.